मुंबई : बॉलिवूड अभिनेता आमिर खान (Aamir Khan) पुन्हा एकदा त्याच्या खासगी आयुष्यामुळे चर्चेत आला आहे. तिसरं लग्न झाल्याच्या चर्चांदरम्यान आता त्याच्या नव्या घराबाबत (New Home) मोठी माहिती समोर आली आहे. रिपोर्टनुसार, आमिर खानने मुंबईतील खार (Khar) परिसरातील एका आलिशान निवासी प्रकल्पात (Luxury Residential Project) मोठी गुंतवणूक (Investment) केली असून, भविष्यात संपूर्ण कुटुंब एकाच संकुलात (Residential Complex) राहण्याचा त्याचा विचार आहे.
आमिर खान सध्या पत्नी गौरी स्प्रॅट (Gauri Spratt) यांच्यासोबत पाली (Pali) येथील विलनोमोना बिल्डिंग (Vilnomona Building) मध्ये राहत आहे. मात्र, खारमधील युनियम पार्क (Unium Park) परिसरातील मरीना अपार्टमेंट्स (Marina Apartments) हा त्याचा भविष्यातील नवीन पत्ता असणार आहे. या प्रकल्पाचे (Project) बांधकाम (Construction) २०३० पर्यंत पूर्ण होण्याची शक्यता आहे.
Nashik : पोलिसांना जनतेचे रक्षक समजेल जाते, मात्र हेच रक्षक जर भक्षक झाले तर... नाशिकच्या पेठ पोलीस ठाण्यातील असाच रक्षक लाचेच्या हव्यासासाठी भक्षक ...
रिपोर्टनुसार, आमिर खानने या टॉवरमध्ये (Tower) जवळपास डझनभर फ्लॅट्स (Flats) खरेदी केले आहेत. या इमारतीत पत्नी गौरी स्प्रॅट आणि तिचा मुलगा क्विन (Quinn) यांच्यासाठी स्वतंत्र मजले (Floors) असतील. तसेच पहिली पत्नी रीना दत्ता (Reena Dutta) आणि मुलगा जुनैद खान (Junaid Khan) यांच्यासाठी स्वतंत्र फ्लोर राखण्यात आल्याचे सांगितले जात आहे.
याशिवाय दुसरी पत्नी किरण राव (Kiran Rao) आणि मुलगा आझाद राव खान (Azad Rao Khan) यांच्यासाठीही स्वतंत्र फ्लोर असेल. आमिर खानची आई झीनत हुसेन (Zeenat Hussain) तसेच बहिणी निखत (Nikhat) आणि फरहत (Farhat) यांच्यासाठीही स्वतंत्र जागेची (Dedicated Space) व्यवस्था करण्यात येणार असल्याची माहिती समोर आली आहे.
सध्या या प्रकल्पाचे बांधकाम सुरू असून, २०३० मध्ये संपूर्ण कुटुंब या नव्या आलिशान निवासस्थानी (Luxury Residence) शिफ्ट (Shift) होण्याची शक्यता वर्तवली जात आहे. कुटुंबातील सर्व सदस्य एकमेकांच्या जवळ राहावेत, या उद्देशाने आमिर खानने हा निर्णय घेतल्याचे म्हटले जात आहे.