सिएटल: सिएटलच्या ल्युमेन फील्डवर सोमवारी रात्री झालेल्या विश्वचषक फुटबॉल स्पर्धेच्या उप-उपांत्यपूर्व फेरीत बेल्जियमने अमेरिकेचा ४-१ असा धुव्वा उडवत उपांत्यपूर्व फेरीत धडक मारली आहे. अमेरिकेच्या बचावातील ढिसाळपणाचा पुरेपूर फायदा घेत ‘रेड डेव्हिल्स’ने ही महत्त्वपूर्ण लढत एकतर्फी जिंकली.
सामन्याच्या सुरुवातीपासूनच बेल्जियमने आक्रमक पवित्रा घेतला होता. चार्ल्स डी केटेलेअरने शानदार कामगिरी करत दोन गोल नोंदवले, तर एक गोल करण्यासाठी साहाय्य केले. आठव्या मिनिटाला डी केटेलेअरने गोल करत बेल्जियमला आघाडी मिळवून दिली. ३१ व्या मिनिटाला अमेरिकेच्या मलिक टिलमनने फ्री-किकवर गोल करून स्कोअर १-१ असा बरोबर केला, मात्र हा आनंद क्षणभंगुर ठरला. गोलनंतर अवघ्या ६१ सेकंदात अमेरिकेने गोल स्वीकारला. पुन्हा एकदा डी केटेलेअरने हेडरद्वारे गोल करत बेल्जियमला २-१ अशी आघाडी मिळवून दिली.
आर्लिंग्टन, टेक्सास: मिकेल मेरिनोच्या अखेरच्या क्षणी केलेल्या गोलमुळे स्पेनने पोर्तुगालचा १-० ने पराभव करत 'फिफा विश्वचषक २०२६'च्या उपांत्यपूर्व ...
दुसऱ्या हाफमध्ये अमेरिकन गोलकीपर मॅट फ्रीजच्या चुकीचा फायदा घेत हान्स व्हॅनाकेनने बेल्जियमसाठी तिसरा गोल केला, तर स्टॉपेज टाइममध्ये रोमेलू लुकाकूने गोल करत विजयावर शिक्कामोर्तब केले. या पराभवामुळे घरच्या मैदानावर जेतेपदाचे स्वप्न पाहणाऱ्या अमेरिकेच्या आशा मावळल्या आहेत. सामन्यादरम्यान अमेरिकेचा स्टार खेळाडू ख्रिश्चन पुलिसिक दुखापतीमुळे बाहेर पडल्याने संघाला मोठा फटका बसला.
अमेरिकेचे प्रशिक्षक मॉरिसिओ पोचेटिनो यांनी संघाच्या कामगिरीवर नाराजी व्यक्त केली. "आमचा खेळाशी ताळमेळ बसला नाही, ही एक शिकण्याची प्रक्रिया आहे," असे ते म्हणाले. या पराभवासह सर्व सहा CONCACAF राष्ट्रे स्पर्धेतून बाहेर पडली आहेत.
नवी दिल्ली : जागतिक फुटबॉलमधील महान खेळाडूंपैकी एक असलेल्या क्रिस्टियानो रोनाल्डोने (Cristiano Ronaldo) आपल्या कारकिर्दीबाबत मोठी घोषणा केली आहे. २०२६ चा फिफा ...
आपली अपराजित मालिका १८ सामन्यांपर्यंत वाढवणाऱ्या बेल्जियमचा संघ आता उपांत्य फेरीच्या शर्यतीत शुक्रवारी इंग्लेवुड येथे २०१० चे विजेते स्पेनविरुद्ध आमनेसामने येईल. सलग सातव्यांदा बेल्जियमकडून पराभूत झाल्यामुळे अमेरिकन फुटबॉल चाहत्यांमध्ये निराशेचे वातावरण आहे. पुलिसिक, ॲडम्स आणि मॅकेनी यांच्या नेतृत्वाखालील पिढीचे विश्वचषकातील आव्हान अशा प्रकारे संपुष्टात आले आहे.