- १ ऑगस्टपासून मोठा बदल
मुंबई : महाराष्ट्र राज्य मार्ग परिवहन महामंडळाच्या (एसटी) नॅशनल कॉमन मोबिलिटी कार्ड (NCMC) योजनेला राज्यभरातून मोठा प्रतिसाद मिळत असून, आतापर्यंत ६२ लाख ८६ हजार ७६५ प्रवाशांनी स्मार्ट कार्डसाठी नोंदणी केली आहे. त्यापैकी ३५ लाख ५२ हजार ३३२ कार्डे सक्रिय करण्यात आली आहेत, अशी माहिती राज्याचे परिवहन मंत्री प्रताप सरनाईक यांनी दिली. राज्यभरात डिजिटल प्रवास व्यवस्थेला चालना देण्यासाठी राबविण्यात येणाऱ्या या महत्त्वाकांक्षी प्रकल्पाला नागरिकांचा वाढता प्रतिसाद मिळत असल्याचे त्यांनी सांगितले. (ST NCMC Card)
१ ऑगस्टपासून 'या' प्रवाशांसाठी स्मार्ट कार्ड अनिवार्य :
परिवहन विभागाने महत्त्वाचा निर्णय घेत १ ऑगस्ट २०२६ पासून महिला, ज्येष्ठ नागरिक आणि अमृत ज्येष्ठ नागरिकांसाठी NCMC स्मार्ट कार्ड अनिवार्य करण्याचा निर्णय घेतला आहे. त्यामुळे या प्रवर्गातील ज्या प्रवाशांनी अद्याप नोंदणी केलेली नाही, त्यांनी उर्वरित कालावधीत अधिकृत नोंदणी केंद्रांवर जाऊन स्मार्ट कार्ड काढून घ्यावे, असे आवाहन मंत्री प्रताप सरनाईक यांनी केले आहे. (ST NCMC Card)
मुंबई : महाराष्ट्र विधान परिषदेत आज प्रश्नोत्तराच्या तासादरम्यान पालघर जिल्ह्यातील कस्तुरबा गांधी निवासी आदिवासी बालिका विद्यालयातील कंत्राटी ...
छत्रपती संभाजीनगर प्रदेश अव्वल :
NCMC प्रकल्पाच्या अंमलबजावणीत छत्रपती संभाजीनगर प्रदेशाने राज्यात प्रथम क्रमांक पटकावला आहे. या प्रदेशात १५ लाख ९३ हजार २५६ प्रवाशांनी नोंदणी केली असून, त्यापैकी ८ लाख ८६ हजार ४७३ कार्डे सक्रिय करण्यात आली आहेत. यानंतर, पुणे प्रदेश – १४ लाख ७१ हजार ४३६ नोंदण्या; नाशिक प्रदेश – १४ लाख ३८ हजार ६९ नोंदण्या अशी उल्लेखनीय कामगिरी नोंदवण्यात आली आहे. (ST NCMC Card)
विभागनिहाय जळगाव आघाडीवर :
विभागनिहाय आकडेवारीनुसार जळगाव विभाग सर्वाधिक ४ लाख ६३ हजार २३० नोंदणींसह अव्वल ठरला आहे. त्यानंतर अहिल्यानगर (३.९५ लाख), सातारा (३.४८ लाख), सोलापूर (३.४२ लाख), बुलढाणा (३.३१ लाख) आणि बीड (३.२७ लाख) या विभागांनीही उल्लेखनीय प्रगती केली आहे. (ST NCMC Card)
रत्नागिरी: रत्नागिरीतील मिरजोळे-उक्षी मार्गावर गुरुवारी सकाळी दोन बसेसची समोरासमोर जोरदार धडक झाल्याची धक्कादायक घटना समोर आली आहे. या अपघातात ...
'वन नेशन, वन कार्ड' संकल्पनेला चालना :
एसटी महामंडळाने डिजिटल तिकीट प्रणाली अधिक प्रभावी करण्यासाठी आणि 'वन नेशन, वन कार्ड' ही संकल्पना प्रत्यक्षात आणण्यासाठी NCMC प्रकल्पाला प्राधान्य दिले आहे. आगामी काळात नोंदणी केलेल्या उर्वरित प्रवाशांची कार्डे जलदगतीने सक्रिय करण्यासाठी विशेष मोहीम राबविण्यात येणार असल्याचे परिवहन मंत्री प्रताप सरनाईक यांनी सांगितले. राज्यातील प्रत्येक पात्र प्रवाशापर्यंत NCMC स्मार्ट कार्ड पोहोचवण्याचा एसटी महामंडळाचा निर्धार असून, डिजिटल आणि सुलभ सार्वजनिक वाहतूक व्यवस्था उभारण्याच्या दिशेने हे महत्त्वाचे पाऊल मानले जात आहे. (ST NCMC Card)