मुंबई : उच्च व तंत्र शिक्षण मंत्री चंद्रकांतदादा पाटील(Chandrakant Patil) यांनी विद्यार्थीहिताला सर्वोच्च प्राधान्य देत आणखी एक महत्त्वपूर्ण निर्णय घेतला आहे. प्रथम वर्ष पदविका अभियांत्रिकी (Polytechnic) अभ्यासक्रमांच्या केंद्रिभूत प्रवेश प्रक्रियेसाठी अर्ज करण्याची मुदत विद्यार्थ्यांच्या मागणीचा सकारात्मक विचार करून दि. ६ जुलै २०२६ पर्यंत वाढविण्यात आली आहे. या निर्णयामुळे राज्यभरातील हजारो विद्यार्थ्यांना प्रवेश प्रक्रियेत सहभागी होण्याची आणखी एक संधी उपलब्ध झाली आहे.
- विधानसभेत नगरविकास राज्यमंत्र्यांचे निवेदन; मृताच्या कुटुंबीयांना १० लाखांची मदत, उच्च स्तरीय समिती गठीत मुंबई : मुंबईतील साकीनाका भागात गुरुवारी ...
प्रथम वर्ष पदविका अभियांत्रिकी अभ्यासक्रमांच्या केंद्रिभूत प्रवेश प्रक्रियेसाठी अर्ज करण्याची अंतिम मुदत दि. २ जुलै २०२६ होती. अंतिम मुदतीपर्यंत राज्यभरातून १ लाख ६१ हजार ७८६ उमेदवारांनी ऑनलाइन नोंदणी केली असून, त्यापैकी १ लाख ३२ हजार ९९६ विद्यार्थ्यांनी आवश्यक शुल्क भरून आपले अर्ज निश्चित केले आहेत. प्रवेश प्रक्रियेला मिळालेला उत्स्फूर्त प्रतिसाद आणि अंतिम मुदतीनंतरही अनेक विद्यार्थ्यांकडून मुदतवाढीची होत असलेली मागणी लक्षात घेऊन हा निर्णय घेण्यात आला आहे.
ग्रामीण आणि दुर्गम भागातील अनेक विद्यार्थ्यांना कागदपत्रांची पूर्तता, ऑनलाइन अर्ज भरणे, शुल्क भरणे किंवा तांत्रिक अडचणींमुळे निर्धारित मुदतीत अर्ज पूर्ण करता आला नव्हता. अशा विद्यार्थ्यांचे कोणतेही शैक्षणिक नुकसान होऊ नये, या उद्देशाने उच्च व तंत्र शिक्षण विभागाने विद्यार्थ्यांच्या हिताचा विचार करून अर्ज भरण्यासाठी ही अखेरची संधी उपलब्ध करून दिली आहे.
Nashik : नाशिकमध्ये पुन्हा एकदा धर्मांतराचा धक्कादायक प्रकार समोर आला आहे. उदरनिर्वाहासाठी परराज्यातून नाशिकमध्ये आलेल्या एका ४१ वर्षीय महिलेची ...
राष्ट्रीय शैक्षणिक धोरण २०२० च्या प्रभावी अंमलबजावणीसह राज्यातील उच्च व तंत्र शिक्षण अधिक विद्यार्थी-केंद्रित, पारदर्शक आणि सुलभ करण्यासाठी राज्य शासन सातत्याने प्रयत्नशील आहे. प्रवेश प्रक्रियेत कोणताही पात्र विद्यार्थी केवळ मुदतीअभावी वंचित राहू नये, हा शासनाचा स्पष्ट दृष्टिकोन असून त्याच अनुषंगाने हा निर्णय घेण्यात आला आहे.
इच्छुक विद्यार्थ्यांनी या मुदतवाढीचा लाभ घेत दि. ६ जुलै २०२६ पर्यंत आपला अर्ज निश्चित करावा, असे आवाहन उच्च व तंत्र शिक्षण विभागामार्फत करण्यात आले आहे.
प्रवेश प्रक्रियेच्या कॅप फेऱ्यांचे सुधारित वेळापत्रक, प्रवेश नियमावली, आवश्यक कागदपत्रांची माहिती तसेच ऑनलाइन अर्ज भरण्याची सुविधा dte.maharashtra.gov.in या संकेतस्थळावर उपलब्ध आहे. विद्यार्थ्यांनी अंतिम मुदतीची वाट न पाहता लवकरात लवकर अर्ज निश्चित करून प्रवेश प्रक्रियेत सहभागी व्हावे, असेही आवाहन करण्यात आले आहे.