पुणे : श्री संत ज्ञानेश्वर महाराज पालखी सोहळ्याचे ८ जुलै २०२६ रोजी श्रीक्षेत्र आळंदी येथून प्रस्थान होणार आहे. या पार्श्वभूमीवर पालखी सोहळ्यादरम्यान ग्रामीण हद्दीत कायदा व सुव्यवस्था तसेच वाहतूक सुरळीत ठेवण्यासाठी ११ ते १८ जुलै या कालावधीत पालखी मार्गावरील वाहतुकीत बदल करण्यात आले आहेत. याबाबतचे आदेश जिल्हाधिकारी तथा जिल्हादंडाधिकारी जितेंद्र डुडी यांनी जारी केले आहेत. ( Pune Palkhi)
पुणे-सासवड (सासवड मुक्काम) : ११ जुलै रोजी पहाटे २ वाजल्यापासून १३ जुलै रोजी रात्री १२ वाजेपर्यंत पुणेकडून सासवडकडे दिवे घाट व बोपदेव घाटमार्गे जाणारी वाहतूक पूर्णपणे बंद राहील. या मार्गावरील वाहने खडी मशीन चौक-कात्रज-कापूरहोळ मार्गे वळविण्यात येतील. सासवडकडून पुण्याकडे येणारी वाहतूक गराडे-खेड-शिवापूर मार्गे वळविण्यात आली आहे.
मुंबई : मागील दोन - तीन दिवसांपासून मुंबईत पावसाने दमदार हजेरी लावली आहे. मंगळवारीही सकाळपासून पावसाने जोरदार हजेरी लावली. पाऊस सक्रीय होत असल्याने ...
सासवड-जेजुरी (जेजुरी मुक्काम) आणि जेजुरी-वाल्हे (वाल्हे मुक्काम) : १३ जुलै रोजी पहाटे २ वाजल्यापासून १४ जुलै रोजी रात्री १२ वाजेपर्यंत पुणे-सासवड-जेजुरी-वाल्हे-निरा तसेच निरा-पुणे मार्गावरील वाहतुकीसाठी झेंडेवाडी-पारगाव मेमाणे-सुपे–मोरगाव–निरा हा पर्यायी मार्ग वापरण्यात येणार आहे. (Pune Road)
वाल्हे-लोणंद (लोणंद मुक्काम) : १५ जुलै रोजी पहाटे २ वाजल्यापासून सायंकाळी ५ वाजेपर्यंत पुणे-सासवड-जेजुरी-वाल्हे-निरा तसेच निरा-पुणे मार्गावरील वाहतूक सासवड-जेजुरी-मोरगाव या पर्यायी मार्गाने वळविण्यात येईल.
महाराष्ट्र मुद्रांक अधिनियमात सुधारणा विधेयक विधानसभेत सादर; महसुलाचे नुकसान टाळण्यासह तरतुदींचा गैरवापर रोखण्यासाठी निर्णय मुंबई : विकास करार ...
लोणंद-फलटण मार्ग : १५ ते १८ जुलै या कालावधीत लोणंद-फलटणहून पुण्याकडे येणारी वाहतूक शिरवळमार्गे वळविण्यात येईल. तसेच पुणेहून फलटण व लोणंदकडे जाणाऱ्या वाहनांनाही शिरवळमार्गाचा वापर करावा लागणार आहे. पालखी सोहळ्यादरम्यान नागरिकांनी वाहतूक पोलिसांच्या सूचनांचे पालन करून पर्यायी मार्गांचा वापर करावा, असे आवाहन जिल्हाधिकारी जितेंद्र डुडी यांनी केले आहे.