मुंबई : विवाहित महिलांसाठी अत्यंत पवित्र आणि महत्त्वाचा मानला जाणारा वटपौर्णिमेचा सण आता अवघ्या काही तासांवर येऊन ठेपला आहे. पतीच्या दीर्घायुष्य, उत्तम आरोग्य आणि अखंड सौभाग्यासाठी महिलांकडून या दिवशी वडाच्या झाडाची पूजा आणि उपवास केला जातो. या दिवशी साज-शृंगारालाही विशेष महत्त्व असते. मात्र, धार्मिक मान्यतेनुसार वटपौर्णिमेच्या दिवशी काही रंगांचे कपडे परिधान करणे अशुभ मानले जाते, तर काही रंग सौभाग्य, समृद्धी आणि सकारात्मक ऊर्जेचे प्रतीक मानले जातात. (Vat Purnima 2026)
वटपौर्णिमा २०२६ कधी आहे?
वैदिक पंचांगानुसार, वटपौर्णिमा सोमवार, २९ जून २०२६ रोजी साजरी केली जाणार आहे. यंदा हा सण सोमवारी आल्यामुळे त्याचे धार्मिक महत्त्व अधिक वाढले आहे. सोमवार हा भगवान शिवाचा दिवस मानला जातो. त्यामुळे या दिवशी वटसावित्री व्रत, शिवपूजा आणि वडाच्या झाडाची पूजा केल्यास विशेष पुण्यप्राप्ती होते, अशी श्रद्धा आहे. (Vat Purnima 2026)
वटपौर्णिमेला आपल्या राशीनुसार नेसा या शुभ रंगाची साडी :
मेष: लाल किंवा केशरी – ऊर्जा आणि आत्मविश्वासाचे प्रतीक.
वृषभ: गुलाबी किंवा पांढरा – प्रेम, स्थैर्य आणि सौंदर्य वाढवणारे.
मिथुन: हिरवा किंवा हलका पिवळा – आनंद आणि सकारात्मकता देणारे.
कर्क: पांढरा किंवा चंदेरी – शांती आणि मानसिक समाधानासाठी शुभ.
सिंह: केशरी किंवा सोनेरी – तेज, यश आणि प्रतिष्ठेचे प्रतीक.
कन्या: फिकट हिरवा किंवा क्रीम – शुद्धता आणि सुसूत्रतेसाठी लाभदायक.
तूळ: गुलाबी किंवा निळा – प्रेम, समतोल आणि सौहार्द वाढवणारे.
वृश्चिक: गडद लाल किंवा मॅजेंटा – आत्मविश्वास आणि दृढ इच्छाशक्तीचे प्रतीक.
धनु: पिवळा किंवा केशरी – अध्यात्म, ज्ञान आणि शुभतेसाठी उत्तम.
मकर: फिकट हिरवट-निळा – शांतता आणि प्रगतीचे प्रतीक; मात्र काळसर रंग टाळावा.
कुंभ: निळा किंवा जांभळा – स्थैर्य आणि आध्यात्मिक उन्नतीसाठी शुभ.
मीन: पांढरा, गुलाबी किंवा क्रीम – भावनिक समृद्धी आणि सौभाग्य वाढवणारे. (Vat Purnima 2026)