स्पेनने (Spain) उरुग्वेचा (Uruguay) १-० असा पराभव करत फिफा विश्वचषक (FIFA World Cup 2026) स्पर्धेच्या राऊंड ऑफ ३२ (Round of 32) मध्ये धडक मारली. दुसरीकडे, विश्वचषकात पहिल्यांदाच सहभागी झालेल्या केप व्हर्डेने (Cape Verde) इतिहास रचत बाद फेरीसाठी (Knockout Stage) पात्रता मिळवली.
स्पेनने ग्रुप एच (Group H) मधील अखेरच्या सामन्यात उरुग्वेवर १-० असा निसटता विजय मिळवला. या पराभवासह दोन वेळच्या विश्वविजेत्या उरुग्वेचे स्पर्धेतील आव्हान संपुष्टात आले. उरुग्वेला तीनही साखळी (Group Stage) सामन्यांत एकही विजय मिळवता आला नाही.
FIFA World Cup 2026 : फिफा विश्वचषक २०२६ (FIFA World Cup 2026) स्पर्धेत Own Goal चा विक्रम बरोबरीत आला आहे. ट्युनिशियाचा (Tunisia) कर्णधार एलियेस स्कीरी (Ellyes Skhiri) याने नेदरलँड्सविरुद्ध (Netherlands) ...
सामन्याच्या ४२व्या मिनिटाला अॅलेक्स बाएना (Alex Baena) याने केलेला गोल निर्णायक ठरला. उरुग्वेचा अनुभवी गोलरक्षक फर्नांडो मुस्लेरा (Fernando Muslera) याच्या चुकीचा स्पेनने पुरेपूर फायदा घेतला. बाएनाचा फटका अडवण्यात मुस्लेराला अपयश आल्याने चेंडू थेट जाळ्यात (Net) गेला.
या विजयासह स्पेनने सात गुणांसह ग्रुप एचमध्ये अव्वल स्थान पटकावले. आता स्पेनचा सामना ग्रुप जे (Group J) मधील उपविजेत्या संघाशी, म्हणजे ऑस्ट्रिया (Austria) किंवा अल्जेरिया (Algeria) यांच्यापैकी एका संघाविरुद्ध होणार आहे. दरम्यान, सौदी अरेबिया (Saudi Arabia) आणि केप व्हर्डे (Cape Verde) यांच्यातील सामना गोलशून्य (Goalless Draw) बरोबरीत संपला. मात्र या एका गुणामुळे विश्वचषकात पदार्पण (Debut) करणाऱ्या केप व्हर्डेने इतिहास रचत बाद फेरीत प्रवेश केला.