मुंबई : लोकप्रिय वेब सीरिज 'पंचायत'मधील आमदारजींची भूमिका साकारून घराघरात पोहोचलेले अभिनेते पंकज झा (Actor Pankaj jha) पुन्हा एकदा चर्चेत आले आहेत. मात्र यावेळी ते कोणत्याही नव्या एपिसोडमुळे नव्हे, तर सोशल मीडियावर व्हायरल झालेल्या एका साध्या पण मजेशीर फोटोमुळे चर्चेचा विषय ठरले आहेत.
पंकज झा (Actor Pankaj jha) यांनी नुकताच त्यांच्या सोशल मीडिया अकाउंटवर एक फोटो शेअर केला आहे. या फोटोमध्ये ते बनियन घालून एका बाजारात निवांतपणे बसलेले दिसत आहेत. समोर भाजी विक्रेत्याच्या टोपल्यांमध्ये ठेवलेले टमाटे आणि काकडी पाहत ते काळजीपूर्वक भाजी निवडताना दिसत आहेत. त्यांच्या या साध्या अंदाजाने चाहत्यांचे लक्ष वेधून घेतले आहे.
'आमदारजी' काकडी निवडताना पाहून चाहते खुश :
फोटोमध्ये पंकज झा (Actor Pankaj jha) एका भाजी विक्रेत्याजवळ बसून काकडी आणि टमाट्यांची निवड करताना दिसतात. त्यांच्या शेजारी आणखी एक व्यक्ती बसलेली असून परिसरातील काही लोक त्यांच्याकडे उत्सुकतेने पाहताना दिसत आहेत. मालिकेत दबदबा असलेला आमदार प्रत्यक्ष आयुष्यात इतक्या साधेपणाने बाजारात फिरताना पाहून चाहत्यांना आश्चर्याचा धक्का बसला. विशेष म्हणजे 'पंचायत' मालिकेत ग्रामपंचायतीच्या राजकारणावरून आमदारजी आणि प्रधानजी यांच्यातील संघर्ष प्रेक्षकांना खूपच आवडला होता. त्यामुळे हा फोटो समोर येताच नेटकऱ्यांनी त्याला मालिकेशी जोडत भन्नाट कमेंट्स करण्यास सुरुवात केली.
Samantha Ruth Prabhu : दाक्षिणात्य चित्रपटसृष्टीतील लोकप्रिय अभिनेत्री सामंथा रुथ प्रभू हिने अखेर तिच्या प्रेग्नन्सीबाबत सुरू असलेल्या चर्चांवर शिक्कामोर्तब ...
सोशल मीडियावर भन्नाट प्रतिक्रिया :
फोटो व्हायरल होताच चाहत्यांनी कमेंट्सचा अक्षरशः पाऊस पाडला. एका युजरने लिहिले, "विधायकी गेल्यानंतर आमदारजींची नवी इनिंग!" तर दुसऱ्याने मिश्कील टिप्पणी करत म्हटले, "प्रधानजींशी पंगा घेतल्याचा परिणाम दिसतोय." काहींनी "आमदारजी कटहल शोधतायत", "काकडीमध्ये दुधी शोधतायत का?" अशा मजेशीर प्रतिक्रिया दिल्या. तर एका चाहत्याने "गाली नाही तर गझल ऐकणार का?" हा मालिकेतील लोकप्रिय संवाद आठवून कमेंट केली. त्यामुळे हा फोटो आणि त्यावरील प्रतिक्रिया सोशल मीडियावर चांगल्याच चर्चेत आहेत. (Actor Pankaj jha)
फुटबॉल विश्वातील सर्वाधिक लोकप्रिय आणि ग्लॅमरस महिला खेळाडूंमध्ये गणली जाणारी स्वित्झर्लंडची स्टार फुटबॉलपटू अलिशा लेहमन (Footballer Alisha Lehmann) हिने आपल्या ...
'पंचायत ५'ची उत्सुकता शिगेला :
दरम्यान, 'पंचायत'च्या पुढील सीझनची प्रेक्षक आतुरतेने वाट पाहत आहेत. मालिकेच्या चौथ्या सीझननंतर आता 'पंचायत ५'बाबत चाहत्यांमध्ये मोठी उत्सुकता निर्माण झाली आहे. अद्याप नवीन सीझनची अधिकृत रिलीज तारीख जाहीर करण्यात आलेली नसली, तरी ॲमेझॉन प्राइम व्हिडिओने २०२६ मध्येच पाचवा सीझन प्रदर्शित होणार असल्याचे संकेत दिले आहेत. २०२० मध्ये सुरू झालेल्या या मालिकेने ग्रामीण भारतातील वास्तव, राजकारण, नातेसंबंध आणि विनोद यांचे अनोखे मिश्रण प्रेक्षकांसमोर मांडले. त्यामुळे प्रत्येक नव्या सीझनसह या मालिकेची लोकप्रियता वाढतच गेली आहे. आता पंकज झा (Actor Pankaj jha) यांचा हा व्हायरल फोटो पाहिल्यानंतर चाहत्यांची 'आमदारजी' पुन्हा एकदा फुलेरा गावात कधी दिसणार याबाबतची उत्सुकता आणखी वाढली आहे.