मुंबई : पावसाळ्याच्या दिवसांत घरबसल्या मनोरंजनाचा आनंद घेणाऱ्या प्रेक्षकांसाठी हा आठवडा खास ठरणार आहे. जिओ हॉटस्टार, झी5, नेटफ्लिक्स, अमेझॉन प्राइम व्हिडिओ आणि सोनी लिव्ह या लोकप्रिय OTT प्लॅटफॉर्म्सवर मराठी आणि हिंदी भाषेतील अनेक नवे चित्रपट, वेब सिरीज आणि स्पेशल शो रिलीज होणार आहेत. थरार, कॉमेडी, क्राइम, रोमँस आणि कौटुंबिक कथांचा मेळ असलेल्या या कंटेंटमुळे प्रेक्षकांना मनोरंजनाची मेजवानी मिळणार आहे.
नेटफ्लिक्सवर काय पाहाल?
या आठवड्यात नेटफ्लिक्सवर काही बहुप्रतीक्षित हिंदी वेब सिरीज आणि चित्रपट प्रदर्शित होणार आहेत. क्राइम-थ्रिलर आणि सस्पेन्सवर आधारित नव्या कथांनी प्रेक्षकांची उत्सुकता वाढवली आहे. तसेच युवा प्रेक्षकांसाठी रोमँटिक ड्रामा आणि कॉमेडी कंटेंटही उपलब्ध होणार आहे. विशेष म्हणजे रितेश देशमुखच्या 'राजा शिवाजी'सह ८ नवे चित्रपट आणि वेब सिरीज रिलीज होणार आहेत.
जिओ हॉटस्टारवर दमदार एंट्री :
जिओ हॉटस्टारवर मोठ्या बजेटचे हिंदी चित्रपट आणि लोकप्रिय वेब सिरीजचे नवे सीझन रिलीज होणार आहेत. अॅक्शन आणि थ्रिलरप्रेमींसाठी हा आठवडा खास ठरणार असून काही प्रादेशिक भाषांतील कंटेंटही प्लॅटफॉर्मवर दाखल होणार आहे. या आठवड्यात सर्वाधिक चर्चेत असलेले रिलीज म्हणजे अवतार: फायर अँड ॲश (Avatar: Fire and Ash), हाऊस ऑफ द ड्रॅगन - सिजन ३ (House of the Dragon Season 3) आणि द बिअर (The Bear) चे नवे सीझन आहेत.
Nashik TCS Case : नाशिकच्या TCS कंपनीत कार्यरत असलेल्या तरुणीवरील कथित बलात्कार, धर्मांतराचा प्रयत्न आणि अॅट्रॉसिटी कायद्यान्वये दाखल गुन्ह्याच्या तपासात आणखी ...
झी5 वर मराठी कंटेंटची मेजवानी :
मराठी प्रेक्षकांसाठी झी5 या आठवड्यात खास ठरणार आहे. नव्या मराठी चित्रपटांसोबतच कौटुंबिक आणि सामाजिक विषयांवर आधारित वेब सिरीज प्रेक्षकांच्या भेटीला येणार आहेत. या आठवड्यात ZEE5 वर 'माझी प्रार्थना' (Majhi Prarthana), 'हे काय नवीन?' (Hey Kay Navin?) आणि इतर मराठी कंटेंट विशेष आकर्षण ठरत आहेत. मराठी चित्रपट आणि वेब सिरीज पाहणाऱ्यांसाठी हा आठवडा मनोरंजनाची पर्वणी ठरू शकतो.
अमेझॉन प्राइम व्हिडिओवर नवा धमाका :
अमेझॉन प्राइम व्हिडिओवर काही लोकप्रिय चित्रपटांचे डिजिटल प्रीमियर होणार आहेत. OTT चाहत्यांसाठी या आठवड्यात Amazon Prime Video वर काही दमदार रिलीज येत आहेत. विशेषतः भारतीय प्रेक्षकांसाठी 'ग्राम चिकित्सालय सिजन २' (Gram Chikitsalay Season 2) आणि 'परफेक्ट फॅमिली' (Perfect Family) चर्चेत आहेत.
सोनी लिव्हवर थरार आणि सस्पेन्स :
सोनी लिव्हवर क्राइम इन्व्हेस्टिगेशन, सस्पेन्स आणि थरारक कथानकांवर आधारित नवे शो रिलीज होणार आहेत. वेगळ्या धाटणीच्या कथा आणि दमदार अभिनयामुळे हे शो चर्चेत आहेत.
मुंबई : भारतीय हवामान विभागाने दिलेल्या अंदाजानुसार राज्यात मान्सून सक्रिय होण्यासाठी पोषक परिस्थिती निर्माण झाली असून २४ ते २७ जूनदरम्यान कोकण ...
घरबसल्या एन्जॉय करा मनोरंजनाचा फुल्ल डोस :
OTT प्लॅटफॉर्म्सवरील नव्या रिलीजमुळे या आठवड्यात प्रत्येक वयोगटातील प्रेक्षकांसाठी काही ना काही खास असणार आहे. मराठी सिनेमांपासून ते हिंदी वेब सिरीजपर्यंत विविध पर्याय उपलब्ध असल्याने विकेंड अधिक रंगतदार होणार आहे.
