बदलापूर : बदलापूर (Badlapur) परिसरात रविवारी पहाटे झालेल्या भीषण रस्ते अपघातात (Accident) दोन तरुणांचा मृत्यू (Death) झाला असून एक जण गंभीर जखमी झाला आहे. वाढदिवसाचे सेलिब्रेशन केल्यानंतर मित्रांसोबत फेरफटका मारण्यासाठी निघालेल्या तिघांचा प्रवास काही क्षणांतच दुर्घटनेत बदलला.
रत्नागिरी : गणपतीपुळे येथे पर्यटनासाठी आलेल्या आणि समुद्रात बुडून बेपत्ता झालेल्या छत्रपती संभाजीनगर जिल्ह्यातील राहिलेल्या चारही तरुणांचे मृतदेह ...
मृतांमध्ये योगेश नेगी (२६) आणि रेबेका जेकब (२४) यांचा समावेश आहे. तर अंगद नावाचा तरुण गंभीर जखमी झाला असून त्याच्यावर ठाण्यातील रुग्णालयात उपचार सुरू आहेत. त्याची प्रकृती सध्या स्थिर असल्याची माहिती मिळाली आहे. (BMW Accident Badlapur)
माहितीनुसार, योगेशचा वाढदिवस असल्याने मित्रांनी बदलापूरमध्ये एकत्र येऊन पार्टी केली होती. त्यानंतर तिघेही आलिशान BMW कारमधून निर्माणाधीन मुंबई-बडोदा एक्स्प्रेसवे परिसरात फेरफटका मारण्यासाठी गेले होते. पहाटेच्या सुमारास कार टिटवाळा-बदलापूर मार्गावर एरंजाड परिसरातून जात असताना चालकाचे वाहनावरील नियंत्रण सुटले.
भरधाव वेगातील कार थेट दुभाजकावर आदळली. धडकेनंतर वाहन अनेक वेळा पलटी झाले आणि रस्त्यावर दूरपर्यंत घसरत गेले. अपघाताची तीव्रता इतकी मोठी होती की कारचा अक्षरशः चुराडा झाला. घटनास्थळी पोहोचलेल्या स्थानिकांनी आणि पोलिसांनी बचावकार्य सुरू केले, मात्र योगेश आणि रेबेका यांचा जागीच मृत्यू झाला होता.
मुंबई : मुंबईत (Mumbai) आज (22 जून 2026) सकाळपासून जोरदार पावसाला (Rains) सुरुवात झाली असून भारतीय हवामान विभागाने (IMD) पुढील 3 तासांसाठी ऑरेंज वॉर्निंग जारी केली आहे. ...
प्रत्यक्षदर्शींच्या म्हणण्यानुसार, अपघातापूर्वी कार अतिशय वेगाने धावत होती. अपघातानंतर मोठा आवाज झाला आणि वाहनाचे तुकडे रस्त्यावर विखुरलेले दिसून आले. या घटनेमुळे परिसरात मोठी खळबळ उडाली.
घटनास्थळी पोलीस आणि फॉरेन्सिक पथकाने पाहणी करून पुरावे गोळा केले आहेत. अपघाताचे नेमके कारण अद्याप स्पष्ट झाले नसले तरी वाहनाचा वेग, चालकाची अवस्था आणि इतर तांत्रिक बाबींची चौकशी सुरू आहे. जखमी तरुणाचा जबाब नोंदवल्यानंतर या प्रकरणातील अनेक बाबी स्पष्ट होण्याची शक्यता आहे.
या दुर्घटनेमुळे वेगमर्यादेचे पालन आणि सुरक्षित वाहनचालकतेचा मुद्दा पुन्हा एकदा चर्चेत आला आहे.