Nashik Vidhan Parishad Election : नाशिक विधान परिषदेच्या स्थानिक स्वराज्य संस्था मतदारसंघाच्या (Nashik Vidhan Parishad Election) निवडणुकीत अपक्ष उमेदवार (Gokul Gite ) यांनी महायुतीचे अधिकृत उमेदवार नरेंद्र दराडे यांचा दणदणीत पराभव करत राजकीय वर्तुळात मोठी खळबळ उडवून दिली आहे. या विजयामुळे गिते हे या निवडणुकीतील ‘जायंट किलर’ ठरले असून, निकालानंतर आता राज्याच्या राजकारणात नव्या घडामोडींना वेग आला आहे.
गोकुळ गितेंना शिंदेंचा निरोप ?
सूत्रांकडून मिळालेल्या माहितीनुसार, विजयाची घोषणा होताच गोकुळ गिते यांच्याशी राज्याचे उद्योगमंत्री उदय सामंत यांनी दूरध्वनीवरून संपर्क साधला. उपमुख्यमंत्री एकनाथ शिंदे यांनी त्यांना तातडीने मुंबईत बोलावल्याचा निरोप सामंत यांनी दिल्याचे सांगितले जात आहे. यासाठी विशेष विमानाची व्यवस्था करण्यात आल्याचीही चर्चा राजकीय वर्तुळात रंगली आहे.
नाशिक: राज्यभराचे लक्ष लागलेल्या नाशिक स्थानिक स्वराज्य संस्था मतदारसंघाच्या विधान परिषद निवडणुकीत मोठा राजकीय उलटफेर पाहायला मिळाला आहे. अपक्ष ...
गिते शिंदे सेनेत प्रवेश करणार ?
मिळालेल्या माहितीनुसार, गोकुळ गिते हे सोमवारी दुपारच्या सुमारास विशेष विमानाने मुंबईकडे रवाना होण्याची शक्यता आहे. त्यामुळे त्यांच्या मुंबई दौऱ्याकडे सर्वांचे लक्ष लागले आहे. विशेष म्हणजे, गिते आजच उपमुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश करणार असल्याची जोरदार चर्चा सुरू आहे. मात्र, याबाबत अद्याप अधिकृत दुजोरा मिळालेला नाही.
नाशिक विधान परिषद निवडणुकीत गोकुळ गिते यांच्या विजयाने अनेक राजकीय समीकरणे बदलल्याचे चित्र दिसत आहे. अपक्ष म्हणून मैदानात उतरलेल्या गिते यांनी थेट महायुतीच्या उमेदवारालाच धक्का दिल्याने हा निकाल राज्यभर चर्चेचा विषय ठरला आहे. आता मुंबईत होणाऱ्या बैठकीनंतर गिते यांची पुढील राजकीय भूमिका काय असेल, याकडे नाशिकसह राज्याचे लक्ष लागून आहे.
- नाशिकमध्ये उलटफेर; शिवसेनेला धक्का देत अपक्ष उमेदवार गोकुळ गीते विजयी मुंबई : संपूर्ण राज्याचे लक्ष लागून राहिलेल्या विधान परिषदेच्या ११ स्थानिक ...
१०९ मतांच्या फरकाने गितेंचा दणदणीत विजय
नाशिक विधान परिषद निवडणुकीसाठी एकूण ६१९ मतदार पात्र होते. त्यापैकी ६१८ मतदारांनी मतदानाचा हक्क बजावला. मतमोजणीदरम्यान १३ मते अवैध ठरल्याने विजयासाठी ३०३ मतांचा कोटा निश्चित करण्यात आला.
मतमोजणीत गोकुळ गिते यांना तब्बल ३५७ मते मिळाली, तर नरेंद्र दराडे (Narendra Darade) यांना २४८ मतांवर समाधान मानावे लागले. त्यामुळे गिते यांनी पहिल्याच फेरीत १०९ मतांच्या मोठ्या फरकाने विजय मिळवत विधान परिषदेचे सदस्यपद पटकावले. हा विजय केवळ गिते यांच्यासाठीच नव्हे, तर नाशिकच्या राजकारणातील एक महत्त्वाचा टप्पा मानला जात आहे.
