कतार : कतारमधील (Qatar) रास लफान औद्योगिक क्षेत्रात रविवारी रात्री मोठा स्फोट झाल्याने खळबळ उडाली आहे. या स्फोटानंतर लागलेल्या आगीत किमान ५४ जण जखमी झाले असून १८ जण अद्याप बेपत्ता असल्याची माहिती समोर आली आहे. बचाव पथके घटनास्थळी युद्धपातळीवर शोध आणि मदतकार्य करत आहेत. (Massive Explosion)
मिळालेल्या माहितीनुसार, हा स्फोट कतारच्या प्रमुख नैसर्गिक वायू निर्यात टर्मिनल परिसरात झाला. अलीकडील प्रादेशिक तणाव आणि युद्धसदृश परिस्थितीमुळे काही काळ बंद असलेले कामकाज पुन्हा सुरू करण्याचा प्रयत्न सुरू असतानाच ही दुर्घटना घडली. (Qatar Gas Terminal Explosion)
मुंबई : राज्यातील विधान परिषदेच्या स्थानिक स्वराज्य संस्था मतदारसंघांच्या निवडणुकीचा निकाल आज (सोमवारी) जाहीर होणार असून उर्वरित ११ जागांवरील ...
स्फोटानंतर परिसरात मोठी आग लागली. सुरुवातीला अधिकाऱ्यांनी काही जण जखमी झाल्याची माहिती दिली होती. मात्र काही तासांनंतर जखमींची संख्या ५४ वर पोहोचल्याचे स्पष्ट झाले. अनेक कर्मचाऱ्यांचा अद्याप शोध सुरू असून बेपत्ता व्यक्तींची संख्या वाढण्याची शक्यता नाकारता येत नाही.
कतार हा जगातील प्रमुख नैसर्गिक वायू उत्पादक देशांपैकी एक असल्याने या घटनेचा परिणाम जागतिक ऊर्जा बाजारावर होऊ शकतो, अशी चिंता व्यक्त केली जात आहे. रास लफान हे देशातील महत्त्वाचे ऊर्जा केंद्र मानले जाते आणि येथून मोठ्या प्रमाणात नैसर्गिक वायूची निर्यात केली जाते. (Qatar Fire Accident)
स्फोटाचे नेमके कारण अद्याप स्पष्ट झालेले नाही. दुर्घटनेनंतर सुरक्षा यंत्रणा, अग्निशमन दल आणि वैद्यकीय पथके घटनास्थळी दाखल झाली असून जखमींवर उपचार सुरू आहेत. तसेच स्फोटामुळे झालेल्या नुकसानाचे मूल्यांकनही सुरू करण्यात आले आहे.
मुंबई : मुंबईत (Mumbai) आज (22 जून 2026) सकाळपासून जोरदार पावसाला (Rains) सुरुवात झाली असून भारतीय हवामान विभागाने (IMD) पुढील 3 तासांसाठी ऑरेंज वॉर्निंग जारी केली आहे. ...
या घटनेमुळे कतारमधील ऊर्जा क्षेत्रासमोर नवे आव्हान निर्माण झाले असून अधिकृत तपासानंतरच दुर्घटनेमागील कारण स्पष्ट होणार आहे.SEO Keywords: