मुंबई : अन्नसुरक्षेचा (Food Safety) गंभीर प्रश्न पुन्हा एकदा समोर आला आहे. उल्हासनगरमध्ये एका चायनीज सेंटरमधून (Chinese Centre) खरेदी केलेल्या मंचुरियनमध्ये (Manchurian) चक्क पालीचे मेलेले पिल्लू (Dead Lizard Hatchling) आढळल्याची धक्कादायक घटना घडली आहे. हे मंचुरियन खाल्ल्यानंतर एका तरुणीची प्रकृती बिघडली असून तिच्यावर खासगी रुग्णालयात (Private Hospital) उपचार सुरू आहेत.
मिळालेल्या माहितीनुसार, उल्हासनगरच्या सुभाष टेकडी परिसरात राहणाऱ्या मोना पठारे यांनी शुक्रवारी सायंकाळी सुभाष टेकडी मच्छी मार्केट (Fish Market) परिसरातील एका चायनीज फूड विक्रेत्याकडून (Chinese Food Vendor) मंचुरियन घरी आणले होते. मंचुरियन खात असताना त्यामध्ये पालीचे मेलेले पिल्लू आढळल्याने त्या हादरल्या.
मुंबई : आंतरराष्ट्रीय योग दिनानिमित्त राज्यपाल जिष्णु देव वर्मा यांनी शनिवारी महाराष्ट्र लोकभवन येथे भारतीय तटरक्षक दलाच्या अधिकाऱ्यांसह ...
यानंतर त्यांनी संबंधित विक्रेत्याकडे जाऊन याबाबत जाब विचारला. मात्र, विक्रेत्याने ‘चटणी टेस्टिंगसाठी (Testing) पाठवतो, पण ही बाब कोणाला सांगू नको,’ असे सांगितल्याचा आरोप करण्यात आला आहे. दरम्यान, रात्री मोना पठारे यांची तब्येत अचानक बिघडल्याने त्यांना तातडीने खासगी रुग्णालयात दाखल करण्यात आले. सध्या त्यांच्यावर उपचार सुरू असून त्यांच्या प्रकृतीवर वैद्यकीय देखरेख (Medical Observation) ठेवण्यात आली आहे.
मुंबई : मुंबईतील नीट (NEET - National Eligibility cum Entrance Test) परीक्षेला बसणाऱ्या हजारो विद्यार्थ्यांच्या सोयीसाठी बृहन्मुंबई विद्युत पुरवठा आणि परिवहन उपक्रमाने (BEST) विशेष ...
या घटनेमुळे परिसरात संतापाची लाट पसरली असून ग्राहकांच्या आरोग्याशी (Consumer Health) खेळ करणाऱ्या अशा फास्ट फूड (Fast Food) आणि चायनीज पदार्थ विक्रेत्यांवर कठोर कारवाई (Strict Action) करण्याची मागणी नागरिकांकडून होत आहे. तसेच अन्न व औषध प्रशासनाने (Food and Drug Administration - FDA) या प्रकरणाची चौकशी करून संबंधितांवर कारवाई करावी, अशी मागणीही जोर धरत आहे.
