टेलिग्रामवरील 'या' एका फीचरमुळे ॲप झालं बॅन!
संपूर्ण देशभरात २२ जूनपर्यंत 'टेलिग्राम' ॲप ब्लॉक करण्यात आले आहे. होय, तुम्ही अगदी बरोबर ऐकलंत. पण अचानक केंद्र सरकारने हा निर्णय का घेतला? विशेषतः NEET परीक्षेच्या तोंडावर टेलिग्रामवर ही थेट कारवाई का करण्यात आली? थोडक्यात सांगते...
केंद्र सरकारने नॅशनल टेस्टिंग एजन्सी म्हणजेच 'NTA' च्या शिफारसीवरून भारतात २२ जूनपर्यंत टेलिग्राम ॲप ब्लॉक केले आहे. इतकंच नाही, तर ३० जूनपर्यंत टेलिग्राममधील 'मेसेज एडिट' करण्याचे फीचरही पूर्णपणे बंद करण्यात आले आहे. २१ जून रोजी होणाऱ्या NEET-UG २०२६ च्या फेरपरीक्षेच्या पार्श्वभूमीवर हा मोठा निर्णय घेण्यात आला आहे. पण प्रश्न हा आहे की, फक्त टेलिग्रामवरच ही कारवाई का? तर मित्रांनो, NTA ने दिलेल्या माहितीनुसार, या ॲपच्या 'एडिट फीचर'चा वापर करून पेपर फुटीचे खोटे पुरावे तयार केले जात होते. स्कॅमर्स काय करतात? परीक्षेच्या आधी ते चॅनेलवर एक साधा मेसेज टाकतात. परीक्षा झाल्यावर तोच मेसेज एडिट करून त्यात खऱ्या प्रश्नपत्रिकेचा फोटो टाकला जातो. टेलिग्रामवर मेसेज एडिट केल्यावरही मूळ वेळ बदलत नाही. त्यामुळे पाहणाऱ्याला असा भास होतो की, हा पेपर परीक्षेच्या आधीच लीक झाला होता! या अशा खोट्या पुराव्यांचा वापर करून विद्यार्थ्यांची मोठी फसवणूक केली जात होती. टेलिग्रामवर उघडपणे "PAPER LEAKED NEET" आणि "Private Mafia" सारखी चॅनेल्स चालवली जात आहेत, जी बनावट प्रश्नपत्रिका देण्यासाठी विद्यार्थ्यांकडून १४,००० ते २५,००० रुपयांची मागणी करतात. NTA ने स्पष्ट केले आहे की सुरक्षित साखळीच्या बाहेर कोणतीही प्रश्नपत्रिका गेलेली नाही आणि ही चॅनेल्स म्हणजे निव्वळ फसवणूक आहेत. त्यामुळे मित्रांनो, जर तुम्हालाही असे कोणते मेसेज येत असतील, तर त्या भूलथापांना आणि स्कॅमला अजिबात बळी पडू नका. २१ जूनच्या फेरपरीक्षेसाठी तुमचा वेळ फक्त आणि फक्त अभ्यासावर केंद्रित करा. ही महत्त्वाची माहिती तुमच्या मित्रांसोबत आणि पालकांसोबत नक्की शेअर करा जेणेकरून कुणाचीही फसवणूक होणार नाही. व्हिडिओ आवडला असेल तर लाईक करा आणि अशाच अचूक अपडेट्ससाठी प्रहार न्यूजलाईन चॅनेलला नक्की सबस्क्राईब करा.