डॅलस: फिफा विश्वचषक २०२६ मधील आपल्या पहिल्याच सामन्यात पोर्तुगालला डीआर काँगोविरुद्ध १-१ अशी अनपेक्षित बरोबरी स्वीकारावी लागली. मात्र या निकालानंतरही पोर्तुगालचा कर्णधार आणि दिग्गज खेळाडू रोनाल्डो (Cristiano Ronaldo) खचलेला दिसला नाही. सामन्यानंतर सोशल मीडियावर त्याने दिलेली प्रतिक्रिया आता इंटरनेटवर प्रचंड व्हायरल होत आहे. (FIFA World Cup 2026 Portugal vs DR Congo)
रोनाल्डोसाठी आणखी एक निराशाजनक रात्र :
विश्वचषकातील पहिल्या सामन्यात रोनाल्डोचा प्रभाव फारसा दिसला नाही. संपूर्ण सामन्यात त्याने केवळ २५ वेळा चेंडूला स्पर्श केला. त्याने तीन शॉट्स मारण्याचा प्रयत्न केला, मात्र एकही शॉट लक्ष्यावर लागला नाही. तसेच त्याने फक्त एकच ड्युएल जिंकला. डीआर काँगोच्या बचावफळीने त्याला पूर्णपणे रोखून धरल्याचे चित्र दिसले. विशेष म्हणजे, विश्वचषकातील त्याच्या कारकिर्दीतील सर्वात कमी सहभाग असलेल्या सामन्यांपैकी हा एक सामना ठरला. विश्वचषकाच्या सुरुवातीच्या सामन्यात त्याच्या कारकिर्दीतील दुसऱ्या क्रमांकाचे सर्वात कमी टचेस यावेळी नोंदवले गेले. (FIFA World Cup 2026 Portugal vs DR Congo)
डॅलस: फिफा विश्वचषक २०२६ मध्ये इंग्लंडने आपल्या मोहिमेची शानदार सुरुवात करत क्रोएशियाचा ४-२ अशा फरकाने पराभव केला. डॅलस स्टेडियमवर झालेल्या गट एलमधील ...
सलग १० सामन्यांत गोल नाही :
पोर्तुगालची शानदार सुरुवात, पण नंतर घसरला वेग :
सामन्याच्या अवघ्या सहाव्या मिनिटाला जोआओ नेव्हस (Joao Neves) याने हेडरद्वारे गोल करत पोर्तुगालला आघाडी मिळवून दिली. पेड्रो नेटोच्या अचूक क्रॉसवर नेव्हेसने केलेला हा गोल त्याच्या आंतरराष्ट्रीय कारकिर्दीतील चौथा गोल ठरला. मात्र सुरुवातीची आघाडी मिळाल्यानंतर पोर्तुगालचा खेळ मंदावला. संघाकडे चेंडूचा ताबा असला तरी आक्रमणात धार दिसली नाही. याचाच फायदा घेत डीआर काँगोने प्रत्युत्तरात्मक हल्ले सुरू ठेवले. पहिल्या हाफच्या अतिरिक्त वेळेत योन विसा (Yoane Wissa) याने आर्थर मसुआकूच्या क्रॉसवर शानदार हेडर करत बरोबरी साधली आणि सामना १-१ असा झाला. (FIFA World Cup 2026 Portugal vs DR Congo)
दुसऱ्या हाफमध्येही अपयश :
दुसऱ्या हाफमध्ये जोआओ कॅन्सेलो (Joao Cancelo) याने अप्रतिम गोल केला होता, मात्र तो ऑफसाइडमुळे रद्द ठरला. त्यानंतर डीआर काँगोचा सेड्रिक बाकम्बु (Cedric Bakambu) गोलपोस्टला चेंडू लागल्याने गोलपासून वंचित राहिला. सामन्याच्या अखेरीस बदली खेळाडू फ्रान्सिस्को कॉन्सेसाओ (Francisco Conceicao) याने काही संधी निर्माण केल्या, मात्र रोनाल्डोला त्याचे गोलमध्ये रूपांतर करता आले नाही. (FIFA World Cup 2026 Portugal vs DR Congo)
अटलांटा: यंदाच्या फिफा विश्वचषकात फिफाने सुरू केलेल्या ‘हायड्रेशन ब्रेक’ (पाणी पिण्यासाठी विश्रांती) या नवीन प्रथेमुळे फुटबॉल वर्तुळात तीव्र ...
डीआर काँगोची ऐतिहासिक कामगिरी :
१९७४ नंतर प्रथमच विश्वचषकात सहभागी झालेल्या डीआर काँगोने बलाढ्य पोर्तुगालला रोखत एक महत्त्वपूर्ण गुण मिळवला. दुसरीकडे, विश्वचषक विजेतेपदाचे दावेदार मानल्या जाणाऱ्या पोर्तुगालला पहिल्याच सामन्यात धक्का बसला आहे. (FIFA World Cup 2026 Portugal vs DR Congo)