हिमाचल प्रदेश : हिमाचल प्रदेशातील चंबा (Chamba) जिल्ह्यात गुरुवारी पहाटे एक भीषण रस्ता अपघात घडला. भरधाव कार खोल दरीत कोसळल्याने सात जणांचा दुर्दैवी मृत्यू (7 Death) झाला. मृतांमध्ये एकाच कुटुंबातील सहा सदस्यांचा समावेश असल्याने संपूर्ण परिसरात शोककळा पसरली आहे. (Himachal Pradesh Accident)
माहितीनुसार, पुखरी-मसरुंद मार्गावरील मनी झिरो परिसरात ही दुर्घटना घडली. धार्मिक कार्यक्रम आटोपून परतणारे काही जण कारमधून आपल्या गावी जात होते. पहाटेच्या सुमारास चालकाचे वाहनावरील नियंत्रण सुटल्याने कार सुमारे ५०० फूट खोल दरीत कोसळली. अपघाताचा जोर इतका प्रचंड होता की वाहनाचा पूर्णपणे चुराडा झाला. (Car Accident)
मलकानगिरी : ओडिशा राज्यातील मलकानगिरी (Malkanagri) जिल्ह्यातून एक अत्यंत हृदयद्रावक आणि तितकीच संतापजनक घटना समोर आली आहे. एका आठ महिन्यांच्या गरोदर महिलेचा ...
या दुर्घटनेत चार पुरुष आणि तीन महिलांचा मृत्यू झाला. स्थानिक प्रशासन, पोलीस आणि बचाव पथकांनी घटनास्थळी धाव घेत मदतकार्य सुरू केले. मात्र, कारमधील सर्व प्रवाशांचा जागीच मृत्यू झाल्याचे समोर आले.
प्राथमिक तपासात वाहनावरील नियंत्रण सुटल्यामुळे अपघात झाल्याचा अंदाज व्यक्त करण्यात येत आहे. मात्र, नेमके कारण शोधण्यासाठी पोलिसांनी सखोल चौकशी सुरू केली आहे. अपघातावेळी हवामान, रस्त्याची स्थिती आणि वाहनाची अवस्था याचाही तपास केला जात आहे. (Police Investigation)
मृत व्यक्ती चंबा जिल्ह्यातील महाल गाव परिसरातील रहिवासी असल्याची माहिती मिळाली आहे. ते एका मुंडन समारंभासाठी जवळच्या गावात गेले होते. कार्यक्रम आटोपल्यानंतर रात्री उशिरा परतीच्या प्रवासादरम्यान हा दुर्दैवी अपघात घडला. (Chamba Accident)
एकाच कुटुंबातील अनेक सदस्यांचा मृत्यू झाल्यामुळे गावावर दुःखाचा डोंगर कोसळला आहे. स्थानिक नागरिकांनी मृतांच्या कुटुंबीयांप्रती शोक व्यक्त केला असून प्रशासनाकडून आवश्यक मदत देण्याचे आश्वासन देण्यात आले आहे. या घटनेमुळे हिमाचल प्रदेशातील डोंगराळ भागातील रस्ते सुरक्षेचा प्रश्न पुन्हा एकदा चर्चेत आला आहे.