पुणे : पुणेकरांसाठी महत्त्वाची बातमी आहे. पावसाने अद्याप समाधानकारक हजेरी न लावल्याने आणि धरणांतील पाणीसाठा झपाट्याने कमी होत असल्याने पुणे महापालिकेने आजपासून म्हणजेच सोमवार १५ जूनपासून शहरात दिवसाआड पाणीपुरवठा लागू करण्याचा मोठा निर्णय घेतला आहे. १५ जून उलटूनही मॉन्सून सक्रिय न झाल्याने प्रशासनावर पाणी वापरावर निर्बंध आणण्याची वेळ आली आहे. (Pune Water Cut)
सम-विषम तारखांनुसार पाणीपुरवठ्याचे नवीन नियोजन :
यंदा एल निनोच्या प्रभावामुळे पावसाचे प्रमाण कमी राहण्याची शक्यता आधीच वर्तवण्यात आली होती. सध्या पुणे महापालिका दररोज सुमारे १६०० एमएलडी पाणीपुरवठा करते. मात्र उपलब्ध साठा ऑगस्टपर्यंत पुरवण्यासाठी हा पुरवठा ११०० ते १२०० एमएलडीपर्यंत कमी करण्याचे नियोजन करण्यात आले आहे. दरम्यान, भामा-आसखेड प्रकल्पातून पाणी मिळणाऱ्या उत्तर-पूर्व पुण्यातील काही भागांना तांत्रिक कारणांमुळे सध्या या कपातीमधून वगळण्यात आले आहे. त्यामुळे त्या परिसरातील नागरिकांना तात्पुरता दिलासा मिळाला आहे. (Pune Water Cut)
महापालिकेचे नागरिकांना आवाहन :
महापालिकेने नागरिकांना पाण्याचा काटकसरीने वापर करण्याचे आवाहन केले आहे. नळ व टाक्यांची गळती तातडीने दुरुस्त करणे, अनधिकृत नळजोडांची माहिती प्रशासनाला देणे आणि पाण्याचा अपव्यय टाळणे आवश्यक असल्याचे सांगण्यात आले आहे. पाणीपुरवठ्याबाबत तक्रारींसाठी हेल्पलाइन क्रमांक १८००-१०३०-२२२ उपलब्ध करण्यात आला आहे. (Pune Water Cut)
पुढील काही आठवडे अत्यंत महत्त्वाचे :
तसेच पाणीटंचाईचा गैरफायदा घेऊन कृत्रिम टंचाई निर्माण करणाऱ्या किंवा अवाजवी दर आकारणाऱ्या खासगी टँकरचालकांवर कठोर कायदेशीर कारवाई करण्याचा इशाराही प्रशासनाने दिला आहे. मॉन्सूनची प्रतीक्षा आणि घटता धरणसाठा यामुळे पुणेकरांसमोर पाणी व्यवस्थापनाचे मोठे आव्हान उभे राहिले असून, पुढील काही आठवडे अत्यंत महत्त्वाचे ठरणार आहेत. (Pune Water Cut)
जाणून घ्या कोणत्या भागात कधी पाणी येणार :
पहाटे आणि सकाळी पाणी येणारे भाग: शहरातील काही महत्त्वाच्या भागांमध्ये पहाटेपासूनच पाणीपुरवठा सुरू होणार आहे. यामध्ये बोपोडी परिसरात सकाळी ४.०० ते १०.०० या वेळेत पाणी येईल. धाकुडवस्ती, कपिल मल्हार परिसर आणि बाणेर गावठाण भागात सकाळी ४.३० ते ८.३० अशी वेळ असेल, तर सुतारवाडी गावठाण आणि पाषाण पार्क भागात पहाटे ४.३० ते ७.३० या वेळेत पाणी मिळेल. आपटे रोड, भांडारकर रोड, प्रभात रोड, लॉ कॉलेज रोड, पुलाची वाडी, शिवाजीनगर गावठाण, वैकुंठ स्मशान परिसर, समप म भवन, अमर सोसायटी, कोपन गल्ली, मोढ कॉलनी, विठ्ठलवाडी, माकेकर प्लॉट, राजपूत वसाहत आणि एरंडवणे गावठाण या भागात पहाटे ५.०० ते ११.०० या वेळेत पाणीपुरवठा केला जाईल. खडकी छावणी भाग आणि मुळा रोड परिसरात सकाळी ६.०० ते ११.३० अशी वेळ देण्यात आली आहे. याशिवाय सुतारगाव भागात सकाळी ७.३० ते ९.३०, मोहननगर भागात पहाटे ७.३० ते १२.३० आणि एसटीएम, अभिमानश्री सोसायटी व चतु:शृंगी नगर परिसरात सकाळी ८.०० ते दुपारी ३.०० या वेळेत नळाला पाणी येईल. (Pune Water Cut)
मुंबई : राज्यात १५ जूनपासून दमदार पावसाची अपेक्षा असताना मॉन्सूनने (Maharashtra Monsoon Weather Alert) पुन्हा एकदा शेतकऱ्यांची निराशा केली आहे. अरबी समुद्रातील मॉन्सूनची ...
दुपारी आणि संध्याकाळी पाणी येणारे भाग: दुपारच्या सत्रात बाणेर रोडची उजवी बाजू आणि माळा पाणीपुरवठ्यातील सर्व भागांमध्ये दुपारी ११.०० ते ५.३० या वेळेत पाणी उपलब्ध असेल. सुस रोड परिसरात सकाळी ११.३० ते दुपारी १.३०, तर पंचवटी भागात दुपारी १२.३० ते ४.०० या वेळेत पाणी येईल. मोरेलगर, अशोकनगर, रेंजहिल आणि खडकी परिसरात दुपारी १.०० ते ५.०० या वेळेत पाणी सुटणार आहे. संपूर्ण बालेवाडी गावठाण आणि बालेवाडी परिसरात दुपारी २.०० ते ८.३० अशी वेळ निश्चित करण्यात आली आहे. मॉडेल कॉलनी, हनुमाननगर, वडारवाडी, शिवाजीनगर आणि रेखवे गल्ली भागात दुपारी ३.०० ते रात्री ८.०० या वेळेत पाणी मिळेल, तर औंध गाव, प्रीतम सोसायटी, इंदिरा वसाहत आणि कस्तुरबा वसाहत परिसरात दुपारी ३.०० ते रात्री १०.०० या वेळेत पाणीपुरवठा होईल. (Pune Water Cut)
टँकर आणि दिवसाआड पाणी येणारे भाग: शहरातील काही भागांसाठी महापालिकेने विशेष नियोजन केले आहे. ससे गाव परिसरामध्ये सम आणि विषम तारखेनुसार फक्त टँकरद्वारेच पाणीपुरवठा केला जाईल. तर दुसरीकडे, वारजे माळवाडी, कर्वेनगर पाट (ममता स्वीट्स ते विठ्ठल मंदिर रस्त्याची उजवी बाजू ते हायवेपर्यंतचा संपूर्ण भाग), रामनगर, शिवणे, उत्तमनगर, न्यू कोपरे, कोंढवे, तसेच औंधकरवस्तीतील लक्ष्मीनगर धाबडे आणि फक्त लक्ष्मीनगर या भागांमध्ये पाणी पुरवठ्याचे दैनंदिन वेळापत्रक पूर्वीसारखेच कायम राहील, मात्र या भागात आता एक दिवसाआड (दिवसाआड) पाणी दिले जाईल. (Pune Water Cut)