मुंबई : ग्राहकांच्या आरोग्य आणि सुरक्षेला सर्वोच्च प्राधान्य देत भारतीय अन्न सुरक्षा आणि मानक प्राधिकरणाने (FSSAI) महत्त्वपूर्ण निर्णय घेतला आहे. देशभरातील हॉटेल्स, रेस्टॉरंट्स, बेकरी, मिठाई दुकाने तसेच सर्व खाद्य व्यवसायिकांना खाद्यपदार्थांच्या पॅकिंगसाठी स्टेपल पिन, मेटल वायर किंवा अशाच प्रकारच्या धातूच्या वस्तूंचा वापर करण्यास तात्काळ बंदी घालण्यात आली आहे.
मुंबई : अमेरिका आणि इराण यांच्यातील ऐतिहासिक शांतता करारानंतर जागतिक बाजारातील अनिश्चिततेला मोठा ब्रेक लागला असून त्याचा सकारात्मक परिणाम भारतीय ...
प्राधिकरणाने स्पष्ट केले की, स्टेपल पिन किंवा मेटल वायर चुकून अन्नासोबत गिळल्या गेल्यास तोंड, घसा आणि पचनसंस्थेला इजा होऊ शकते. गंभीर परिस्थितीत मोठ्या आरोग्यविषयक गुंतागुंतीही निर्माण होण्याची शक्यता नाकारता येत नाही. याच कारणामुळे ही कठोर बंदी लागू करण्यात आली आहे.
नियमांचे उल्लंघन करणाऱ्या खाद्य व्यवसायांवर Food Safety and Standards Act, 2006 अंतर्गत दंडात्मक आणि कायदेशीर कारवाई केली जाऊ शकते, असा इशाराही FSSAI ने दिला आहे. त्यामुळे सर्व खाद्य व्यवसायांनी सुरक्षित आणि पर्यायी पॅकेजिंग पद्धतींचा अवलंब करण्याचे आवाहन करण्यात आले आहे.
- नियंत्रक शिधावाटप चंद्रकांत डांगे यांच्या मार्गदर्शनाखाली राज्य दक्षता पथकाची कारवाई; तळोजा पोलीस ठाण्यात गुन्हा दाखल करण्याची प्रक्रिया ...
विशेष म्हणजे, अलीकडेच FSSAI ने खाद्यपदार्थ गुंडाळण्यासाठी किंवा सर्व्ह करण्यासाठी वृत्तपत्रांचा वापर टाळण्याचे निर्देश दिले होते. वृत्तपत्रांमधील शाई आणि रासायनिक घटक अन्नामध्ये मिसळून आरोग्यावर विपरीत परिणाम करू शकतात, असे प्राधिकरणाने नमूद केले होते.
