पश्चिम आशियातील युद्धाच्या पार्श्वभूमीवर जागतिक तेलबाजारात अस्थिरता वाढत असताना भारताने पर्यायी इंधनाच्या दिशेने मोठे पाऊल टाकले आहे. केंद्र सरकारने १०० टक्के इथेनॉल (E100) इंधनाच्या (E100 Fuel Nitin Gadkari) वापराला मंजुरी दिली असून, केंद्रीय रस्ते वाहतूक आणि महामार्ग मंत्री नितीन गडकरी यांनी याची अधिकृत घोषणा केली आहे.
नागपूर येथे आयोजित एका कार्यक्रमात बोलताना गडकरी म्हणाले, "मला आनंदाने सांगायचे आहे की, काल (१२ जून) रात्री ८ वाजता मी १०० टक्के इथेनॉल वापरास मंजुरी देणाऱ्या फाईलवर स्वाक्षरी केली. एकेकाळी या संकल्पनेची खिल्ली उडवली जात होती. इथेनॉल प्रकल्पाला अडथळे आणण्यासाठी नकारात्मक प्रचारही झाला. मात्र आज हे स्वप्न प्रत्यक्षात उतरू लागले आहे." फ्लेक्स फ्युएल तंत्रज्ञानावर आधारित वाहनांमध्ये E100 इंधनाचा वापर करता येणार आहे. या वाहनांमध्ये शंभर टक्के इथेनॉलवर इंजिन चालवण्याची क्षमता असते. गडकरी यांनी सांगितले की, पुढील दोन महिन्यांत अनेक वाहन उत्पादक कंपन्या पूर्णपणे इथेनॉलवर चालणारी वाहने बाजारात आणण्याच्या तयारीत आहेत. (E100 Fuel Nitin Gadkari)
Mumbai T20 league 2026 Final : मुंबई टी-२० लीग फायनलमध्ये राडा, तुषार देशपांडे आणि गौरव जठारमध्ये वाद; नेमकं घडलं काय ?
मुंबई : मुंबई टी-२० लीग २०२६ चा अंतिम सामना (१३ जून ) मराठा रॉयल्स आणि ARCS Andheri यांच्यात खेळला गेला. हा सामना मुंबईच्या वानखडे स्टेडियमवर झाला. या सामन्यात ...
टोयोटा, सुझुकी, एमजी आणि ह्युंदाई यांसारख्या कंपन्या येत्या दीड ते दोन महिन्यांत इथेनॉलवर आधारित नवीन मॉडेल्स सादर करू शकतात. यामुळे पेट्रोलवरील अवलंबित्व कमी होण्यास मदत होणार असल्याचे मानले जात आहे. (E100 Fuel Nitin Gadkari)
दरम्यान, भारताने पेट्रोलमध्ये २० टक्के इथेनॉल मिश्रण (ब्लेंडिंग) करण्याचे उद्दिष्ट आधीच साध्य केले आहे. केंद्र सरकारच्या दाव्यानुसार, या उपक्रमामुळे कच्च्या तेलाच्या आयातीवरील खर्चात मोठी बचत झाली असून, देशाचे एक लाख कोटी रुपयांहून अधिक परकीय चलन वाचले आहे. (E100 Fuel Nitin Gadkari)
Indian Army Uniform 2026 : ब्रिटिशकालीन परंपरांना रामराम! भारतीय लष्कराच्या गणवेशात मोठे बदल; ‘बंदी जॅकेट’ला मान्यता
भारतीय लष्कराने (Indian Army) वसाहतकालीन परंपरांपासून दूर जात आपल्या गणवेश संहितेत महत्त्वपूर्ण बदल केले आहेत. औपचारिक प्रसंगी अधिकाऱ्यांना आता पारंपरिक ...
याच यशाच्या जोरावर सरकारने आता E100 इंधनाला मंजुरी देत पुढचे महत्त्वाचे पाऊल उचलले आहे. देशातील अनेक वाहन कंपन्या अशा वाहनांच्या निर्मितीवर काम करत असून, अलीकडेच मारुती सुझुकीने फ्लेक्स फ्युएलवर चालणारे वॅगनआर मॉडेल सादर केले आहे. तसेच हीरो मोटोकॉर्पनेही इथेनॉल-आधारित फ्लेक्स फ्युएल मोटारसायकल विकसित केली आहे. इंधन क्षेत्रातील ही क्रांतिकारक घडामोड भारताच्या ऊर्जा स्वावलंबनाच्या दिशेने महत्त्वाची ठरणार असल्याचे तज्ज्ञांचे मत आहे. (E100 Fuel Nitin Gadkari)
