ब्राझील: ब्राझीलमध्ये (Brazil) एका साहसी खेळादरम्यान झालेल्या भीषण अपघाताने खळबळ उडाली आहे. ब्रिज स्विंगवरून उडी मारताना सुरक्षा दोर न जोडल्याने 21 वर्षीय तरुणीचा मृत्यू झाल्याची धक्कादायक घटना समोर आली आहे. ही दुर्घटना ब्राझीलमधील साओ पावलो राज्यातील लिमेरा येथे घडली असून साहसी खेळांच्या सुरक्षेविषयी गंभीर प्रश्न उपस्थित झाले आहेत. (Adventure Jump Video)
मिळालेल्या माहितीनुसार, तरुणीने 'ब्रिज स्विंग' या थरारक उपक्रमासाठी नोंदणी केली होती. या उपक्रमात सहभागी व्यक्तीला हार्नेस आणि सुरक्षा दोराच्या मदतीने 40 मीटरहून अधिक उंचीवरून हवेत झुलवले जाते. मात्र प्राथमिक तपासात कर्मचाऱ्यांनी सुरक्षा दोर व्यवस्थित जोडण्यापूर्वीच तिला प्लॅटफॉर्मवरून सोडल्याचा संशय व्यक्त करण्यात आला आहे.
Kalyan Accident : कल्याण : कल्याण (Kalyan) शहरातून एक हृदयद्रावक घटना समोर आली आहे. पत्नीला माहेरी सोडून अवघ्या काही मिनिटांत घरी पोहोचणार असलेल्या तरुणाचा ...
प्रत्यक्षदर्शींच्या मते, तरुणी हवेत सोडल्यानंतर काही क्षणांतच काहीतरी चुकीचे घडत असल्याचे लक्षात आले. उपस्थितांनी आरडाओरडा करून इशारा देण्याचा प्रयत्न केला, मात्र तोपर्यंत उशीर झाला होता.
विशेष म्हणजे, या साहसी अनुभवाबाबत तरुणी अत्यंत उत्साही होती. उडी मारण्यापूर्वी तिने काही फोटो आणि व्हिडिओदेखील शेअर केले होते. मात्र काही क्षणांतच हा आनंददायी अनुभव दुःखद दुर्घटनेत बदलला. या घटनेचा व्हिडिओ सद्या सोशल मीडियावर व्हायरल होत आहे. व्हायरल व्हिडिओनंतर अनेकांनी व्यवस्थापकावर आणि कर्मचाऱ्यांवर संताप व्यक्त करत आहे. त्यांच्या निष्काळजीपणामुळे एका तरुणीचा जीव गेला अशी तीव्र संताप व्यक्त केला जात आहे.
🔥🚨LATEST: Footage has released of the moment the 21-year-old woman was accidentally killed when Entre Cordas workers forgot to attach her safety rope and and threw her off the the “Skeleton Bridge” in Limeira, a city in Brazil’s São Paulo state. pic.twitter.com/HBPYXJxcfs
— Dom Lucre | Breaker of Narratives (@dom_lucre) June 13, 2026
घटनेनंतर आपत्कालीन पथकाने तातडीने घटनास्थळी धाव घेतली आणि तिला उपचारासाठी रुग्णालयात दाखल केले. मात्र गंभीर दुखापतीमुळे उपचारादरम्यान तिचा मृत्यू झाला.
Monsoon Update : राज्यात वाढत्या उकाड्यामुळे नागरिक हैराण झाले असून सर्वांचे लक्ष आता मान्सूनकडे (Monsoon) लागले आहे. मात्र जून (June) महिन्याचा अर्धा कालावधी ...
या घटनेनंतर संबंधित साहसी केंद्राच्या सुरक्षा प्रक्रियेची चौकशी सुरू करण्यात आली आहे. अधिकाऱ्यांकडून उपकरणे, कर्मचाऱ्यांची कार्यपद्धती आणि सुरक्षा नियमांचे पालन झाले होते का, याची सखोल तपासणी केली जात आहे. या दुर्घटनेमुळे साहसी खेळांमधील सुरक्षेच्या मानकांबाबत पुन्हा एकदा चिंता व्यक्त केली जात आहे.