मुंबई : स्टॅन्ड अप कॉमेडियन प्रणित मोरेच्या कार्यक्रमाचा एक वादग्रस्त व्हिडीओ सोशल मीडियावर व्हायरल झाल्याप्रकरणी केईएम रुग्णालय आणि सेठ जी.एस. वैद्यकीय महाविद्यालय प्रशासनाने तिसऱ्या वर्षाच्या एमबीबीएस विद्यार्थिनी सेजल पवार विरोधात महत्त्वाची प्रशासकीय कारवाई केली आहे. संस्थेकडे अनेक तक्रारी प्राप्त झाल्यानंतर प्राथमिक चौकशी सुरू करण्यात आली असून सेजल पवारला १५ दिवसांच्या सक्तीच्या रजेवर पाठविण्यात आले आहे. (Pranit More - Sejal Pawar Controversy)
महाविद्यालय प्रशासनाने १३ जून रोजी जारी केलेल्या प्रसिद्धीपत्रकानुसार, एका कॉमेडी कार्यक्रमादरम्यान करण्यात आलेल्या वक्तव्यांमुळे आणि त्यासंदर्भातील व्हिडिओ सोशल मीडियावर प्रसारित झाल्यानंतर निर्माण झालेल्या सार्वजनिक चिंतेची गंभीर दखल घेण्यात आली. त्यानंतर सेजल पवारला स्पष्टीकरणासाठी बोलावण्यात आले आणि तिची बाजू नोंदवून संबंधित साहित्याची तपासणी करण्यात आली. (Pranit More - Sejal Pawar Controversy)
१५ दिवसांची सक्तीची रजा :
महाविद्यालयाने सेजल पवारला चौकशी प्रक्रियेत पूर्ण सहकार्य करण्याचे निर्देश दिले आहेत. तसेच चौकशी समितीने बोलावल्यास प्रत्यक्ष किंवा ऑनलाइन माध्यमातून हजर राहण्यासही सांगण्यात आले आहे. सध्या प्रशासनाने तिला तिच्या पालकांच्या देखरेखीखाली सोपविल्याची माहितीही दिली आहे. (Pranit More - Sejal Pawar Controversy)
मुंबई (विशेष प्रतिनिधी): मुंबई महानगरपालिकेच्या सेठ जी. एस. वैद्यकीय महाविद्यालय व के. ई. एम. रुग्णालयातील एमबीबीएस शिक्षण घेणारी विद्यार्थिनी सेजल ...
सदस्यीय चौकशी समिती स्थापन होणार :
या प्रकरणाची सखोल चौकशी करण्यासाठी वरिष्ठ प्राध्यापक, बाह्य सदस्य आणि संस्थेच्या प्रतिनिधींचा समावेश असलेली पाच सदस्यीय समिती स्थापन करण्याचा प्रस्तावही सादर करण्यात आला आहे. ही समिती संपूर्ण घटनेचा, व्हायरल व्हिडिओचा आणि त्यावर येणाऱ्या प्रतिक्रियांचा अभ्यास करून पुढील कारवाई करणार आहे. (Pranit More - Sejal Pawar Controversy)