Malegaon : काही दिवसांपूर्वी मालेगाव येथून एक खळबळजनक प्रकरण समोर आले होते. येथील सटाणा नाका परिसरातील एका खासगी रुग्णालयात एका अल्पवयीन मुलीची बेकायदेशीर प्रसूती करून नवजात बालिकेची विक्री करण्याचा संतापदायक प्रकार समोर आला होता. या धक्कादायक प्रकरणात रुग्णालयाचे निवृत्त वैद्यकीय अधीक्षक डॉ. किशोर डांगे यांच्यासह ९ संशयीतांना अटक करण्यात आली असून त्यांच्या पोलीस कोठडीत न्यायालयाने १६ जूनपर्यंत वाढ केली आहे. दरम्यान, या प्रकरणात पोलीस तपासात अत्यंत धक्कादायक माहिती समोर आली आहे.
Nashik : मनमाड शहरातून एक अत्यंत हृदयद्रावक घटना समोर आली आहे. आयुष्यभर सुख-दुःखात साथ देणाऱ्या पती-पत्नीच्या नात्याचा भावनिक प्रत्यय मनमाड मध्ये पहायला ...
आईच्या प्रियकराकडूनच संतापजनक कृत्य
या गंभीर गुन्ह्याचा तपास करताना पोलिसांच्या हाती अत्यंत संतापजनक आणि चीड आणणारी माहिती समोर आली आहे. पीडित अल्पवयीन मुलीला गर्भवती करणारा हा दुसरा तिसरा कोणी नसून तिच्याच आईचा प्रियकर असल्याचे तपासात निष्पन्न झाले आहे. हा संशयीत हैदराबाद येथील एका खासगी कंपनीत नोकरी करतो अशी प्राथमिक माहिती आहे. मालेगाव पोलिसांनी तातडीने चक्र फिरवत हैदराबाद येथून पीडित मुलीच्या आईला आणि तिच्या प्रियकराला ताब्यात घेतले. या दोघांना अटक करून गुरुवारी न्यायालयात हजर केले असता, त्यांना १५ जूनपर्यंत पोलीस कोठडी सुनावण्यात आली आहे.
Nashik : नाशिक जिल्ह्यात महा ई-सेवा केंद्र चालकांवर प्रशासनाने मोठी आणि धडक कारवाई सुरू केली आहे. परवाना घेऊनही केंद्र सुरू न करणाऱ्या, नागरिकांना कोणतीही ...
नेमकं प्रकरण काय ?
डॉ. किशोर डांगे यांच्या खासगी रुग्णालयात ७ जून रोजी एका १६ वर्षीय मुलीची प्रसूती करण्यात आली. ही मुलगी अल्पवयीन होती. त्यामुळे कायदेशीररीत्या अल्पवयीन असल्याची पूर्ण कल्पना असूनही रुग्णालय प्रशासनाने ‘पोक्सो’ कायद्याचे उल्लंघन केले. या गंभीर आणि तितक्याच संवेदनशील प्रकरणांची माहिती पोलिसांना किंवा आरोग्य विभागाला देणे बंधनकारक असतानाही, डॉक्टरांनी ती जाणीवपूर्वक दडपून ठेवली. धक्कादायक म्हणजे प्रसूतीनंतर मुलीची ओळख लपवण्यासाठी तिला अज्ञातस्थळी हलवण्यात आले, तर नवजात बालिकेला बेकायदेशीर विक्रीसाठी रुग्णालयातच ठेवण्यात आले होते,असा आरोप आहे.
Nashik Crime : नाशिक जिल्ह्यातील नांदगाव (Nandgaon) येथील दुय्यम निबंधक कार्यालयात लाचलुचपत प्रतिबंधक विभागाने मोठी कारवाई केली आहे. शेतजमिनीच्या खरेदी खताच्या ...
जागरूक नागरिकांनी डाव उधळला
काही जागरूक नागरिकांना याची माहिती मिळताच त्यांनी पोलीस व आरोग्य प्रशासनाला याबाबत माहिती दिली. त्यानंतर पोलिसांनी या हॉस्पिटलवर छापा टाकत कारवाई केली. सामान्य रुग्णालयाचे वैद्यकीय अधीक्षक डॉ. जितेंद्र डोलारे यांनी या संदर्भात कॅम्प पोलीस ठाण्यात तक्रार दाखल केली. त्यानुसार पोलिसांनी डॉ. किशोर डांगे, त्यांची मुलगी डॉ. किशोरी डांगे, डॉ. अनुजा शेवाळे, डॉ. प्रिती जाधव यांच्यासह १२ जणांवर गुन्हा दाखल केला आहे. त्यापैकी ७ जून रोजी अटक केलेल्या ९ संशयितांची पोलीस कोठडी संपत असल्याने त्यांना शुक्रवारी (१२ जून) पुन्हा न्यायालयासमोर हजर केले असता, न्यायालयाने त्यांची पोलीस कोठडी १६ जूनपर्यंत वाढवून दिली. या प्रकरणातील एक संशयित अद्याप फरार आहे.
दरम्यान, या प्रकरणी कॅम्प पोलीस ठाण्याचे साहाय्यक पोलीस निरीक्षक पंकज निकम यांच्या मार्गदर्शनाखाली उपनिरीक्षक विजया पवार या अधिक तपास करीत आहेत.