Indian Air Force AN-32 Plane Crashes : आसाममध्ये हवाई दलाच्या AN-३२ विमानाचा भीषण अपघात; पायलटसह ५ जवान शहीद, सहवैमानिक गंभीर जखमी

आसाम : आसाममधील जोरहाट येथील भारतीय हवाई दलाच्या एअरफोर्स स्टेशनवर शनिवारी सकाळी झालेल्या AN-३२ मालवाहू विमानाच्या भीषण अपघातात पायलटसह पाच जवान शहीद झाल्याची दुर्दैवी माहिती समोर आली आहे. या दुर्घटनेत विमानाचा सहवैमानिक गंभीर जखमी झाला असून त्याच्यावर लष्करी रुग्णालयात उपचार सुरू आहेत. (Indian Air Force AN-32 Plane Crashes)

अरुणाचल प्रदेशातील नियोजित मोहिम पूर्ण करून हे विमान नियमित उड्डाणानंतर जोरहाट एअरबेसवर परतत होते. मात्र, लँडिंगदरम्यान विमानाला अपघात झाला आणि काही क्षणांतच संपूर्ण परिसरात खळबळ उडाली. (Indian Air Force AN-32 Plane Crashes)

लँडिंगच्या वेळी नियंत्रण सुटले :

प्राथमिक माहितीनुसार, AN-३२ विमान धावपट्टीवर उतरण्याच्या तयारीत असताना तांत्रिक अडचण निर्माण झाली. त्यामुळे विमान मुख्य रनवेवर उतरू शकले नाही आणि एअरबेसमधील गवताळ भागात कोसळले. जोरदार धडकेनंतर विमानाचा स्फोट झाला आणि त्याला भीषण आग लागली. अपघाताची तीव्रता इतकी होती की विमानाचे अनेक तुकडे झाले. आग लागल्याची माहिती मिळताच एअरफोर्सचे आपत्कालीन पथक, अग्निशमन दल आणि बचाव पथके तातडीने घटनास्थळी दाखल झाली. मात्र, आगीच्या विळख्यात अडकलेल्या पाच जवानांना वाचवण्यात यश आले नाही. (Indian Air Force AN-32 Plane Crashes)

सहवैमानिकाची मृत्यूशी झुंज :

या भीषण दुर्घटनेतून सहवैमानिकाला गंभीर अवस्थेत बाहेर काढण्यात आले. त्याला तातडीने लष्करी रुग्णालयात दाखल करण्यात आले असून त्याच्यावर अतिदक्षता विभागात उपचार सुरू आहेत. त्यांची प्रकृती चिंताजनक असल्याची माहिती सूत्रांकडून मिळत आहे. (Indian Air Force AN-32 Plane Crashes)

हवाई दलाकडून चौकशीचे आदेश :

अपघाताचे नेमके कारण अद्याप स्पष्ट झालेले नाही. तांत्रिक बिघाड, हवामानातील बदल किंवा इतर कोणते कारण यामागे आहे, याचा शोध घेण्यासाठी भारतीय हवाई दलाने उच्चस्तरीय चौकशीचे आदेश दिले आहेत. या प्रकरणाचा सखोल तपास करण्यासाठी ‘कोर्ट ऑफ इन्क्वायरी’ स्थापन करण्यात आले असून तज्ज्ञांची टीम घटनास्थळी दाखल झाली आहे. विमानाच्या ब्लॅक बॉक्ससह इतर तांत्रिक पुराव्यांची तपासणी केली जाणार आहे. (Indian Air Force AN-32 Plane Crashes)

देशभरातून हळहळ व्यक्त :

या दुर्घटनेनंतर संरक्षण क्षेत्रासह संपूर्ण देशभरातून हळहळ व्यक्त करण्यात येत आहे. कर्तव्य बजावताना शहीद झालेल्या जवानांना श्रद्धांजली अर्पण केली जात असून त्यांच्या कुटुंबीयांप्रती संवेदना व्यक्त केल्या जात आहेत. (Indian Air Force AN-32 Plane Crashes)

भारतीय हवाई दलासाठी AN-३२ हे महत्त्वाचे मालवाहू विमान मानले जाते. दुर्गम आणि संवेदनशील भागांमध्ये सैनिक, साहित्य आणि अत्यावश्यक सामग्री पोहोचवण्यासाठी या विमानाचा मोठ्या प्रमाणावर वापर केला जातो. त्यामुळे या अपघाताकडे अत्यंत गांभीर्याने पाहिले जात आहे. (Indian Air Force AN-32 Plane Crashes)