सुरत : गुजरातमधील सुरत पोलिसांच्या (Surat Police) तत्परता आणि धाडसाचे सर्वत्र कौतुक होत आहे. लस्काना परिसरातील सातव्या मजल्यावरील एका फ्लॅटमध्ये (Flat) स्वतःला कोंडून घेतलेल्या तरुणाने आत्महत्येचा (Sucide) प्रयत्न केला होता. या घटनेची माहिती मिळताच डायल ११२ आणि पीसीआर पथक तातडीने घटनास्थळी दाखल झाले.
मात्र फ्लॅट (Flat) आतून बंद असल्याने पोलिसांसमोर मोठे आव्हान उभे राहिले. अशावेळी पोलीस कॉन्स्टेबल शैलेश चुडासमा यांनी प्रसंगावधान राखत स्वतःचा जीव धोक्यात घातला. इमारतीच्या बाहेरील ग्रिलचा आधार घेत त्यांनी सातव्या मजल्यावरील बाल्कनीतून (Balcony) फ्लॅटमध्ये प्रवेश केला.
मुंबई : मुंबई महापालिकेच्या जल अभियंता विभागाच्या अखत्यारित येणाऱ्या पवई तलावाच्या (Powai Lake) ठिकाणी आता प्रेमी युगूल आणि पर्यटकांवर विशेष लक्ष राहणार ...
फ्लॅटमध्ये शिरल्यानंतर त्यांनी पाहिले की संबंधित तरुणाच्या हातात एका द्रव पदार्थाची बाटली होती. तो बेडवर (Bed) बसलेला असून त्याने विषारी पदार्थ प्राशन केल्याचा संशय व्यक्त करण्यात आला. पोलिसांनी तात्काळ त्याच्या हातातील बाटली हिसकावून घेतली आणि विलंब न करता त्याला रुग्णालयात दाखल केले. त्यावेळी तरुण बेशुद्ध अवस्थेत असल्याचे सांगण्यात आले. या संपूर्ण घटनेचा व्हिडिओ सोशल मीडियावर व्हायरल झाला असून सुरत पोलिसांच्या तत्पर कारवाईचे सर्वत्र कौतुक होत आहे. मानसिक तणावामुळे संबंधित तरुणाने आत्महत्येचा प्रयत्न केल्याची प्राथमिक माहिती समोर आली आहे.
गुजरातचे उपमुख्यमंत्री हर्ष संघवी यांनीही सोशल मीडियावर (Social Media) व्हिडिओ (Video) शेअर करत सुरत पोलिसांच्या कार्याचे कौतुक केले. त्यांनी म्हटले की, "मानसिक तणावातून आत्महत्येचा प्रयत्न करणाऱ्या युवकाला नवजीवन देण्यासाठी सुरत पोलिसांच्या पीसीआर पथकाने दाखवलेली संवेदनशीलता आणि कर्तव्यनिष्ठा प्रशंसनीय आहे. डायल ११२ पथक आणि अग्निशमन दलाच्या वेगवान आणि समन्वयपूर्ण कारवाईमुळे एका तरुणाचे प्राण वाचले असून या धाडसी बचाव मोहिमेची राज्यभर चर्चा होत आहे.