मेक्सिको : फिफा विश्वचषक 2026 स्पर्धेच्या उद्घाटन सामन्यात मेक्सिकोने दक्षिण आफ्रिकेचा 2-0 असा पराभव केला. मात्र या ऐतिहासिक सामन्यादरम्यान मेक्सिकोच्या अझ्टेका स्टेडिबाहेर एक धक्कादायक घटना घडली. या घटनेमुळे फुटबॉल विश्वात खळबळ उडाली आहे. सामन्याच्या वेळी स्टेडियमच्या गेट क्रमांक 11 जवळ एका वृद्ध चाहत्याचा मृत्यू झाल्याची माहिती समोर आली आहे.
मुंबई : भारतीय क्रिकेट संघाच्या आगामी आयर्लंड दौऱ्यावर अनिश्चिततेचे सावट निर्माण झाले आहेत. भारत आणि आयर्लंड यांच्यात 26 आणि 28 जून रोजी दोन टी-20 सामने ...
मिळालेल्या माहितीनुसार, मृत व्यक्ती जर्मनीचा नागरिक असून त्या क्यती चे वय 80 वर्ष असल्याचे सांगितले जात आहे. हाफटाइम दरम्यान स्टेडियम परिसरात त्यांना अचानक हृदयविकाराचा झटका आल्याने ते जमिनीवर कोसळले त्यावेळी सुरक्षा कर्मचाऱ्यांनी तातडीने घटनास्थळी धाव घेत सीपीआर (CPR) देण्याचा प्रयत्न केला. मात्र सर्व प्रयत्न वाया गेले. स्टेडियमच्या वैद्यकीय पथकाने त्यांना मृत घोषित केले. या घटनेमुळे काही काळ स्टेडियम परिसरात तणावाचे वातावरण निर्माण झाले होते. विशेष म्हणजे, हा सामना अझ्टेका स्टेडियमसाठी ऐतिहासिक ठरला होता. 1970 आणि 1986 नंतर तिसऱ्यांदा फिफा विश्वचषकाच्या उद्घाटन सामन्याचे यजमानपद भूषवणारे हे जगातील पहिले स्टेडियम बनले आहे.(SPORTS)
🚑🚨 🇲🇽🇿🇦 Tragic news from Estadio Azteca ahead of the 2026 World Cup opener.
An 80-year-old German fan collapsed near Gate 1 and suffered a fatal heart attack. Paramedics performed CPR on-site and rushed him to hospital, but he was pronounced dead. Mexico went on to beat South… pic.twitter.com/byRzAhby4z
— World Wire (@WorldWire3) June 12, 2026
मेक्सिकोची विजयी सुरुवात
मैदानावरील सामन्यात मेक्सिकोने प्रभावी खेळ करत दक्षिण आफ्रिकेवर 2-0 अशी मात केली. जुलियन क्विनोन्सने स्पर्धेतील मेक्सिकोचा पहिला गोल नोंदवला, तर अनुभवी स्ट्रायकर राउल जिमेनेझने दुसरा गोल करत विजयावर शिक्कामोर्तब केले.या सामन्याची आणखी एक विशेष बाब म्हणजे तीन रेड कार्ड्स. फिफा विश्वचषकाच्या इतिहासात उद्घाटन सामन्यात प्रथमच तीन खेळाडूंना रेड कार्ड दाखवण्यात आली, त्यामुळे हा सामना अनेक कारणांनी चर्चेत राहिला.उद्घाटनाच्या जल्लोषात घडलेल्या या दुर्दैवी घटनेमुळे फुटबॉल चाहत्यांमध्ये हळहळ व्यक्त केली जात असून, विश्वचषकाच्या सुरुवातीलाच स्पर्धेवर शोककळा पसरली आहे.