Nashik News : त्र्यंबकेश्वर मंदिरातील कथित व्हीआयपी दर्शन घोटाळ्यातील प्रमुख संशयित आणि मंदिराचे विश्वस्त पुरुषोत्तम कडलग तसेच वसंत कचरू मुर्तडक यांचा कारागृहातील मुक्काम आणखी वाढला आहे. जिल्हा न्यायालयात (District Court) त्यांच्या जामीन अर्जावर सातव्यांदा सुनावणी होणार होती. मात्र, पुन्हा एकदा सुनावणी लांबणीवर पडल्याने आता या प्रकरणाची आठवी सुनावणी आज, ११ जून रोजी होणार आहे.
त्र्यंबकेश्वर पोलिसांच्या माहितीनुसार, मंगळवारी जिल्हा न्यायालयात सुनावणी निश्चित होती. मात्र, संशयितांच्या वकिलांनी अतिरिक्त सत्र न्यायाधीशांकडे वेळ मागितल्याने न्यायालयाने पुढील तारीख दिली. त्यामुळे कडलग आणि इतर संशयितांचा न्यायालयीन कोठडीतील मुक्काम कायम राहिला.
पाऊस आठवडाभर लांबणार; धरणांमध्ये १० हजार ४२१.९० दशलक्ष घनमीटर उपयुक्त पाणीसाठा मुंबई : मान्सूनने राज्यातील काही भागांत प्रवेश केला असला तरी सर्वदूर ...
व्हीआयपी दर्शनाच्या नावाखाली भाविकांची लूट
व्हीआयपी दर्शनाच्या नावाखाली भाविकांकडून मोठ्या प्रमाणात पैशांची उकळपट्टी होत असल्याच्या तक्रारी समोर येत होत्या. मात्र, अनेक भाविक पुढे येऊन तक्रार करण्यास टाळाटाळ करत असल्याने त्र्यंबक पोलिसांनी मंदिर परिसरात गुप्त ‘स्टिंग ऑपरेशन’ राबवत या रॅकेटचा पर्दाफाश केला. दरम्यान, या कारवाईत पोलिसांनी (Police) थेट मंदिराचे विश्वस्त पुरुषोत्तम कडलग, त्यांचे पुतणे ओम व अभिषेक कडलग आणि एजंट गोटीराम पेहरे यांच्यासह अन्य दोघांना पकडून त्यांचा पर्दाफाश केला हाेता.
नाशिक : सिंहस्थ कुंभमेळा २०२७ (Simhastha Kumbh Mela 2027) दरम्यान अमृत पर्वणीच्या दिवशी नाशिक आणि त्र्यंबकेश्वरमध्ये खासगी वाहनांना ‘नो एंट्री’ लागू करण्यात येणार ...
याप्रकरणी ११ एप्रिल रोजी त्र्यंबकेश्वर पोलीस ठाण्यात फसवणुकीचा गुन्हा दाखल आहे. त्यानंतर १४ एप्रिल रोजी पोलिसांनी कडलग व इतर संशयितांना अटक केली हाेती. गेल्या दोन महिन्यांपासून पुरुषोत्तम कडलग आणि त्याचे साथीदार नाशिकरोड मध्यवर्ती कारागृहात न्यायालयीन कोठडीत आहेत. आता ११ जून रोजी होणाऱ्या आठव्या सुनावणीत त्यांना जामीन मिळतो की त्यांचा कारागृहातील मुक्काम आणखी वाढतो, याकडे सर्वांचे लक्ष लागले आहेत.