Surykumar Yadav-Hardik Pandya : हार्दिक-सूर्यकुमारमध्ये दुरावा वाढला? इन्स्टाग्रामवर अनफॉलो; मुंबई इंडियन्सच्या कॅप्टन्सीवरून वाद ?

मुंबई : भारतीय क्रिकेट संघाचा टी-20 कर्णधार असलेला सूर्यकुमार यादव (Suryakumar Yadav) सध्या मुंबई टी-20 लीगमध्ये आपल्या दमदार खेळीमुळे चर्चेत आहे. मात्र मैदानावरील कामगिरीपेक्षा त्याच्या सोशल मीडियावरील एका हालचालीने क्रिकेट चाहत्यांमध्ये मोठी चर्चा रंगवली आहे. सूर्यकुमार यादव आणि हार्दिक पंड्या (Hardik Pandya) यांनी इन्स्टाग्रामवर एकमेकांना अनफॉलो केल्याचे समोर आल्यानंतर दोन्ही स्टार खेळाडूंमध्ये सर्व काही आलबेल नसल्याच्या चर्चा सुरू झाल्या आहेत. (Surykumar Yadav-Hardik Pandya)

याचबरोबर सूर्यकुमारच्या इन्स्टाग्राम अकाऊंटवरून Mumbai Indians संदर्भातील अनेक पोस्ट गायब झाल्याचे चाहत्यांच्या लक्षात आले आहे. इतकेच नव्हे तर सूर्याने मुंबई इंडियन्स फ्रँचायझीलाही अनफॉलो केल्याची माहिती सोशल मीडियावर व्हायरल होत आहे. त्यामुळे आगामी आयपीएल हंगामापूर्वी मुंबईच्या संघात काही मोठे बदल होणार का, याबाबतही तर्कवितर्कांना उधाण आले आहे. (Surykumar Yadav-Hardik Pandya)

कॅप्टन्सीच्या वादामुळे मतभेद?

सोशल मीडियावर सुरू असलेल्या चर्चेनुसार, मुंबई इंडियन्सच्या नेतृत्वावरून दोन्ही खेळाडूंमध्ये मतभेद निर्माण झाल्याची शक्यता व्यक्त केली जात आहे. आयपीएल २०२६ दरम्यान हार्दिक पांड्या संघाचे नेतृत्व करत होता आणि संघात कोणत्याही वादाची चर्चा नव्हती. मात्र हंगाम संपल्यानंतर अचानक दोघांनी एकमेकांना अनफॉलो केल्याने चाहत्यांच्या भुवया उंचावल्या आहेत. (Surykumar Yadav-Hardik Pandya)

याशिवाय भारतीय संघाच्या टी-२० नेतृत्वाच्या निर्णयानंतरही दोघांच्या नात्याबाबत अनेक चर्चा रंगल्या होत्या. Rohit Sharma याने टी-२० आंतरराष्ट्रीय क्रिकेटमधून निवृत्ती घेतल्यानंतर उपकर्णधार असलेल्या हार्दिक पांड्याऐवजी सूर्यकुमार यादवची टी-२० कर्णधारपदी निवड करण्यात आली होती. त्या निर्णयामुळे हार्दिक नाराज असल्याच्या चर्चा त्यावेळी सोशल मीडियावर मोठ्या प्रमाणात झाल्या होत्या. (Surykumar Yadav-Hardik Pandya)

अधिकृत प्रतिक्रिया अद्याप नाही :

मात्र या सर्व चर्चांदरम्यान सूर्यकुमार यादव, हार्दिक पांड्या किंवा मुंबई इंडियन्स व्यवस्थापनाकडून कोणतीही अधिकृत प्रतिक्रिया देण्यात आलेली नाही. त्यामुळे सोशल मीडियावर व्हायरल होत असलेल्या दाव्यांमध्ये किती तथ्य आहे, हे अद्याप स्पष्ट झालेले नाही. (Surykumar Yadav-Hardik Pandya)

क्रिकेटविश्वात अनेकदा खेळाडू वैयक्तिक कारणांमुळे किंवा सोशल मीडिया व्यवस्थापनातील बदलांमुळे एकमेकांना अनफॉलो करतात. त्यामुळे केवळ इन्स्टाग्रामवरील हालचालींच्या आधारे दोघांमध्ये वाद असल्याचे निश्चितपणे सांगता येणार नाही. तरीही हार्दिक आणि सूर्यकुमार हे भारतीय क्रिकेटमधील दोन महत्त्वाचे चेहरे असल्याने त्यांच्या प्रत्येक हालचालीवर चाहत्यांचे आणि क्रिकेट तज्ज्ञांचे बारकाईने लक्ष लागले आहे. (Surykumar Yadav-Hardik Pandya)