सातारा : सातारा जिल्ह्यातील वडूज येथे एका महिला पोलीस कर्मचाऱ्याने (Women Police Constable) आत्महत्येचा (Attempt to Suicide) प्रयत्न केल्याची धक्कादायक घटना समोर आली आहे. मात्र, तिच्या सहकाऱ्यांच्या सतर्कतेमुळे मोठी दुर्घटना टळली असून संबंधित महिलेचे प्राण वाचले आहेत. (Satara News)
मिळालेल्या माहितीनुसार, संबंधित महिला पोलीस कर्मचाऱ्याने आपल्या व्हॉट्सॲप स्टेटसवर 'गुड बाय ऑल ऑफ यु' असा स्टेटस ठेवला होता. हा संदेश पाहिल्यानंतर तिच्या सहकारी पोलिसांना संशय आला. परिस्थितीचे गांभीर्य ओळखत त्यांनी तातडीने तिच्या राहत्या ठिकाणी धाव घेतली.
जळगाव : जळगाव (Jalgaon) जिल्ह्यातील जामनेर तालुक्यात रविवारी एक भीषण अपघात झाला. देवदर्शन करून परतणाऱ्या भाविकांच्या क्रूझर (Cruiser) वाहनाला स्विफ्ट डिझायर ...
सहकारी तिच्या खोलीवर पोहोचले तेव्हा ती गळफास घेण्याच्या तयारीत असल्याचे दिसून आले. तातडीने हस्तक्षेप करून सहकाऱ्यांनी तिला आत्महत्येपासून परावृत्त केले. त्यामुळे संभाव्य अनर्थ टळला.
प्राथमिक माहितीनुसार, संबंधित महिला कर्मचाऱ्याने वडूज पोलीस ठाण्यातीलच एका पोलीस कर्मचाऱ्यावर लग्नाचे आश्वासन देऊन नंतर नकार दिल्याचा आरोप केला आहे. या कारणामुळे ती मानसिक तणावाखाली होती, असे समोर आले आहे. समाजात बदनामी होण्याच्या भीतीमुळे आपण टोकाचा निर्णय घेण्याचा विचार केला होता, असेही तिने सांगितल्याची माहिती आहे.
या घटनेनंतर वरिष्ठ अधिकाऱ्यांनी प्रकरणाची दखल घेतली आहे. जिल्हा पोलीस अधीक्षक निखील पिंगळे यांनी संबंधित महिला कर्मचाऱ्याला पोलीस मुख्यालयात बोलावून तिच्याशी सविस्तर चर्चा करण्याचे निर्देश दिले आहेत. तिच्या निवेदनानंतर पुढील आवश्यक कारवाई करण्यात येणार असल्याचे सांगण्यात आले आहे.
दरम्यान, या घटनेमुळे पोलीस दलातील कर्मचाऱ्यांवर असलेल्या मानसिक तणावाचा मुद्दा पुन्हा एकदा चर्चेत आला आहे. सहकाऱ्यांच्या वेळेवर घेतलेल्या निर्णयामुळे एका महिला पोलिसाचा जीव वाचल्याने समाधान व्यक्त केले जात आहे.