नवी मुंबई विमानतळ : महाराष्ट्राचे माननीय मुख्यमंत्री देवेंद्र फडणवीस यांच्या हस्ते नवी मुंबई आंतरराष्ट्रीय विमानतळाच्या टर्मिनल १ येथे छत्रपती शिवाजी महाराजांच्या पुतळ्याचे अनावरण करण्यात आले. हा पुतळा छत्रपती शिवाजी महाराजांचे नेतृत्व आणि त्यांच्या महान वारशास वाहिलेली आदरांजली असून, त्यातून महाराष्ट्राचा सांस्कृतिक वारसा प्रतिबिंबित होतो.
मुंबई (विशेष प्रतिनिधी) : गोरेगाव पश्चिम येथील राम मंदिर मार्ग ते रिलीफ रोडदरम्यानच्या मृणालताई गोरे उड्डाणपुलाच्या विस्तारीकरणाचा टप्पा अखेर पूर्ण ...
नवी मुंबई इंटरनॅशनल एअरपोर्ट प्रा. लि. द्वारे उभारण्यात आलेल्या या पुतळ्यामध्ये ८ फूट उंचीच्या चौथऱ्यावर १२ फूट उंचीचा कांस्य धातूचा (ब्रॉन्झ) अर्धपुतळा बसवण्यात आला आहे. नवी मुंबईतील ‘आकार आर्ट अँड स्कल्पचर’चे शिल्पकार नितीन रोहिदास गोर्डे यांनी या पुतळ्याची रचना केली आहे. महाराष्ट्र शासनाच्या कला संचालनालयाने मंजूर केलेल्या प्रतिकृतीवर आधारित, हा पुतळा तांब्याच्या मिश्र धातूपासून तयार करण्यात आला आहे. आठ महिन्यांहून अधिक कालावधीत साकारलेला हा पुतळा विमानतळ परिसरातील एक प्रमुख आकर्षण ठरेल. तसेच नवी मुंबई आंतरराष्ट्रीय विमानतळावर येणाऱ्या प्रवाशांसाठी आणि अभ्यागतांसाठी सांस्कृतिकदृष्ट्या महत्त्वपूर्ण केंद्र बनेल, अशी अपेक्षा आहे.