पंजाब: पंजाबमधील मोहाली (Mohali crime) येथून एक धक्कादायक बातमी समोर येत आहे. एका खासगी कंपनीत काम करणाऱ्या महिलेची तिच्याच सहकाऱ्याने चाकूने वार करून हत्या (Murder) केल्याची धक्कादायक घटना समोर आली आहे. या घटनेनतर मोहाली परिसरात एकच खळबळ उडाली आहे. हरविंद मन्न असं आरोपीचे नाव आहे. (Punjab Murder Case)
प्राथमिक माहितीनुसार, आरोपी आणि मृत महिला यांच्यात पूर्वी मैत्रीपूर्ण संबंध होते. मात्र, काही वैयक्तिक कारणांमुळे दोघांमध्ये वाद निर्माण झाल्याचे सांगितले जात आहे. या घटनेचा व्हिडिओ सद्या सोशल मीडियावर व्हायरल होत आहे.
ही घटना गुरुवारी संध्याकाळी कंपनीच्या कार्यालयात घडली. तरुणी नेहमीप्रमाणे आपल्या कार्यालयात काम करत होती. काम सुरू असताना आरोपी अचानक कार्यालयात तीचा एक्स बॉयफेंड आला आणि तिच्यावर हल्ला केला. महिलेने स्वतःचा बचाव करण्याचा प्रयत्न केला, मात्र आरोपीने तिच्यावर वारंवार चाकूने हल्ला केल्याचे समोर आले आहे. कार्यालयातील इतर कर्मचाऱ्यांनी मध्यस्थी करण्याचा प्रयत्न केला, परंतु हल्ल्याची तीव्रता जास्त असल्याने ते तिला वाचवू शकले नाहीत.
पुणे: पुण्यातील (Pune Crime) एका कुटुंबाला घरातील वस्तू आवरताना मोठा धक्का बसला आहे. कपाटातील दागिने तपासताना लाखो रुपयांचे सोन्याचे दागिने गायब असल्याचे ...
घटनेनंतर आरोपीने स्वतःलाही चाकूने जखमी करून आत्महत्येचा प्रयत्न केला. या घटनेनंतर कार्यालयात तणावाचे वातावरण निर्माण झाले होते. सदर घटनेची माहिती पोलिसांना देण्यात आली. माहिती मिळताच पोलिस आणि आपत्कालीन सेवा घटनास्थळी दाखल झाल्या. जखमी महिला आणि आरोपी दोघांनाही तातडीने रुग्णालयात दाखल करण्यात आले. मात्र, डॉक्टरांनी महिलेचा मृत्यू झाल्याचे घोषित केले. आरोपीवर सध्या उपचार सुरू असून त्याची प्रकृती गंभीर असल्याचे सांगितले जात आहे.
पोलिसांनी या प्रकरणाचा तपास सुरू केला आहे. दोघांमधील नातेसंबंध, अलीकडील घडामोडी आणि वादाचे नेमके कारण याची चौकशी केली जात आहे. घटनास्थळावरील सीसीटीव्ही फुटेज आणि इतर पुरावेही तपासले जात आहेत.
या घटनेमुळे परिसरात खळबळ उडाली असून कार्यालयातील कर्मचाऱ्यांमध्ये भीतीचे वातावरण निर्माण झाले आहे. पोलिसांनी गुन्हा दाखल करून पुढील तपास सुरू ठेवला आहे.