दौंड उपजिल्हा रुग्णालयाचे अधीक्षक डॉ. सचिन गुजर यांनी याबाबत तक्रार दाखल केली होती. त्यांच्या म्हणण्यानुसार, १४ मे रोजी त्यांना सोशल मीडियावर एक व्हिडिओ प्राप्त झाला. या व्हिडिओमध्ये केडगाव परिसरातील एका घरात सोनोग्राफी केली जात असल्याचे दिसून आले. प्राथमिक पडताळणीत अवैध गर्भलिंग निदान चाचण्यांचा संशय निर्माण झाल्यानंतर यवत पोलिसांकडे तक्रार देण्यात आली.
तक्रारीच्या आधारे पोलिसांनी पीसीपीएनडीटी कायद्याच्या विविध कलमांनुसार गुन्हा नोंदवला आहे. तपासादरम्यान आरोपी घरोघरी जाऊन सोनोग्राफी करत असल्याचा संशय व्यक्त करण्यात आला आहे. तसेच या कामासाठी मध्यस्थांच्या मदतीने मोठी रक्कम आकारली जात असल्याची माहितीही समोर आली आहे.
Ashok Kharat : भोंदू अशोक खरातची पुन्हा नाशिकरोड जेलमध्ये रवानगी, सरकारवाडा पोलीस ताबा घेणार
Ashok Kharat : नाशिकमधील बहुचर्चित अशोक खरात (Ashok Kharat) प्रकरणात एक अपडेट समोर आली आहे. महिलांवरील अत्याचार आणि आर्थिक फसवणुकीच्या आरोपांमुळे चर्चेत असलेला अशोक ...
यवत पोलीस ठाण्याचे वरिष्ठ पोलीस निरीक्षक नारायण देशमुख यांनी सांगितले की, या प्रकरणात अतुल जाधव नावाच्या आरोपीला ताब्यात घेण्यात आले असून पुढील चौकशी सुरू आहे. व्हिडिओची सत्यता, वापरण्यात आलेल्या उपकरणांचा स्रोत आणि इतर संबंधित व्यक्तींचा सहभाग याबाबत तपास केला जात आहे.
तपास यंत्रणांना प्राथमिक माहितीनुसार आरोपीने गेल्या काही वर्षांत मोठ्या प्रमाणावर अवैध गर्भलिंग चाचण्या केल्याचा संशय आहे. मात्र याबाबत अधिकृत आकडेवारी तपास पूर्ण झाल्यानंतरच स्पष्ट होणार आहे.
या प्रकरणामुळे बेकायदेशीर गर्भलिंग निदानाच्या मुद्द्यावर पुन्हा एकदा गंभीर चर्चा सुरू झाली असून संबंधित यंत्रणांनी कठोर कारवाईचा इशारा दिला आहे.