Uttar Pradesh Road Accident : आग्रा-लखनऊ एक्सप्रेसवेवर भीषण अपघात; पोलिस अधिकारी आणि कैद्यासह ६ जणांचा मृत्यू, ३२ प्रवासी जखमी

उत्तर प्रदेश : उत्तर प्रदेश (Uttar Pradesh) मधील आग्रा-लखनऊ एक्सप्रेसवेवर आज म्हणजेच मंगळवार २६ मे रोजी पहाटे भीषण अपघात झाला. उन्नाव (Unnao) जिल्ह्यातील औरास परिसरात दिल्लीहून बिहारकडे जाणारी वेगवान स्लीपर बस अचानक नियंत्रणाबाहेर जाऊन डिव्हायडरला धडकली आणि पलटी झाली. या भीषण दुर्घटनेत बिहारमधील एका पोलिस अधिकाऱ्यासह कैद्याचा आणि इतर प्रवाशांचा मिळून एकूण ६ जणांचा मृत्यू झाला असून ३२ जण गंभीर जखमी झाले आहेत. (Uttar Pradesh Road Accident)

चालकाला डुलकी लागल्याचा प्राथमिक अंदाज :

प्राथमिक माहितीनुसार, हा अपघात मंगळवारी सकाळी सुमारे ६ वाजण्याच्या सुमारास घडला. बसचा चालक झोपेच्या आहारी गेल्याने वाहनावरील नियंत्रण सुटल्याचा अंदाज व्यक्त केला जात आहे. अपघातावेळी बहुतेक प्रवासी गाढ झोपेत असल्यामुळे अचानक बस पलटी झाल्यानंतर घटनास्थळी एकच गोंधळ उडाला. बस डिव्हायडरवर आदळल्यानंतर काही प्रवासी थेट खिडक्यांमधून बाहेर फेकले गेले. अनेक जण एक्सप्रेसवेच्या खालील खंदकात पडल्याने बचावकार्य अधिक कठीण बनले. (Uttar Pradesh Road Accident)

Maharashtra School : मोठी बातमी : '३ दिवस शाळा, २ दिवस ऑनलाईन वर्ग'; नव्या शैक्षणिक वर्षाआधी राज्य सरकारकडे मोठी मागणी

राज्यात एकीकडे नव्या शैक्षणिक वर्षाची लगबग सुरू असताना, दुसरीकडे गगनाला भिडलेल्या पेट्रोल (Petrol Price) आणि डिझेलच्या (Diesel Price) दरांमुळे स्कूल बस व्यावसायिक ...

मृतांमध्ये पोलिस अधिकारी आणि कैद्याचा समावेश :

या अपघातात बिहारचे पोलिस अधिकारी रामचंद्र आणि कैदी छत्रपाल यांचाही मृत्यू झाला आहे. पोलिस अधिकारी रामचंद्र हे कैदी छत्रपालला चौकशीसाठी दिल्लीला घेऊन गेले होते आणि जबाब नोंदवल्यानंतर त्याला पुन्हा बिहारला घेऊन जात असताना हा भीषण अपघात घडला. (Uttar Pradesh Road Accident)

घटनास्थळी बचावकार्याची धावपळ :

अपघाताची माहिती मिळताच उत्तर प्रदेश पोलीस (Uttar Pradesh Police) आणि स्थानिक प्रशासनाचे पथक तातडीने घटनास्थळी दाखल झाले. पोलिसांनी आणि स्थानिक नागरिकांनी बसमध्ये अडकलेल्या प्रवाशांना बाहेर काढण्यासाठी शर्थीचे प्रयत्न केले. जखमींना रुग्णवाहिकांच्या मदतीने जवळच्या सामुदायिक आरोग्य केंद्रात दाखल करण्यात आले. गंभीर जखमी असलेल्या अनेक प्रवाशांना पुढील उपचारांसाठी लखनऊ (Lucknow) येथील ट्रॉमा सेंटरमध्ये हलवण्यात आले आहे. (Uttar Pradesh Road Accident)

Hema Malini gets Emotional : धर्मेंद्र यांना मरणोत्तर पद्मविभूषण; पुरस्कार स्वीकारताना हेमा मालिनी आणि अहाना देओल भावूक

नवी दिल्ली : हिंदी चित्रपटसृष्टीतील ज्येष्ठ अभिनेते धर्मेंद्र (Dharmendra) यांना मरणोत्तर पद्मविभूषण पुरस्काराने (Padma Vibhushan) सन्मानित करण्यात आले. राजधानी नवी ...

वाहतूक काही काळ विस्कळीत :

अपघातानंतर आग्रा-लखनऊ एक्सप्रेसवेवरील वाहतूक काही काळ ठप्प झाली होती. यूपीडा आणि पोलिसांच्या पथकाने क्रेनच्या सहाय्याने अपघातग्रस्त बस हटवून वाहतूक पुन्हा सुरळीत केली. (Uttar Pradesh Road Accident)

दरम्यान, अतिरिक्त पोलिस अधीक्षक शैलेन्द्र लाल आणि इतर वरिष्ठ अधिकाऱ्यांनी घटनास्थळी भेट देत परिस्थितीचा आढावा घेतला. या घटनेनंतर पुन्हा एकदा लांब पल्ल्याच्या बस चालकांच्या कामाच्या तासांवर आणि सुरक्षेच्या उपाययोजनांवर प्रश्नचिन्ह उपस्थित झाले आहे. (Uttar Pradesh Road Accident)