मुंबई : राज्यातील विधान परिषद निवडणुकीच्या पार्श्वभूमीवर महायुतीत जागावाटपावरून मोठी राजकीय घडामोड सुरू झाली आहे. काही जागांवर सहमती झाली असली तरी महत्त्वाच्या जागांवरून भाजप आणि शिवसेना शिंदे गटामध्ये रस्सीखेच सुरू असल्याची चर्चा आहे. याच पार्श्वभूमीवर उपमुख्यमंत्री एकनाथ शिंदे (Eknath Shinde) नाराज असल्याची माहिती समोर येत असून, त्यांची नाराजी दूर करण्यासाठी भाजपने हालचालींना वेग दिला आहे. (Maharashtra Vidhan parishad Elections 2026)
शिंदेंची नाराजी दूर करण्यासाठी भाजपची रणनीती :
सूत्रांच्या माहितीनुसार, बैठकीत एकनाथ शिंदे यांच्या नाराजीचा मुद्दा विशेष चर्चेत होता. महायुतीत समन्वय राखण्यासाठी आणि जागावाटपाचा तिढा सोडवण्यासाठी रवींद्र चव्हाण आणि बावनकुळे यांच्यावर महत्त्वाची जबाबदारी सोपवण्यात आली आहे. हे दोन्ही नेते लवकरच एकनाथ शिंदे यांची भेट घेणार असल्याचे सांगितले जात आहे. (Maharashtra Vidhan parishad Elections 2026)
महायुतीच्या फॉर्म्युल्यात बदलाची शक्यता :
मात्र, अद्याप कोणत्याही फॉर्म्युल्यावर अंतिम शिक्कामोर्तब झालेले नाही. त्यामुळे आज रात्री होणाऱ्या बैठकीकडे राज्याच्या राजकीय वर्तुळाचे लक्ष लागले आहे. (Maharashtra Vidhan parishad Elections 2026)