मुंबई : वांद्रे पूर्वेकडील बेहरामपाडा परिसरात रेल्वेच्या जागेवरील अतिक्रमण हटवण्याच्या कारवाईदरम्यान मंगळवारी रात्री तणावपूर्ण परिस्थिती निर्माण झाली. पश्चिम रेल्वेकडून सुरू असलेल्या कारवाईला स्थानिकांकडून विरोध करण्यात आला. यावेळी जमावाकडून दगडफेक करण्यात आल्याने ४ पोलीस कर्मचारी आणि ६ आंदोलक जखमी झाले.
मुंबई : मुंबईतील वांद्रे स्थानकाबाहेरील परिसरात आज सकाळी मोठी अतिक्रमण हटाव मोहीम राबवण्यात आली. या कारवाईदरम्यान स्थानकाबाहेर उभारण्यात आलेल्या ...
ही घटना वांद्रे टर्मिनसजवळील गरीब नगर परिसरात घडली. अतिक्रमण हटवण्यासाठी रेल्वे प्रशासन आणि पोलीस पथक घटनास्थळी दाखल झाले होते. कारवाईदरम्यान अचानक काही नागरिक आक्रमक झाले आणि त्यांनी दगडफेक सुरू केली. त्यामुळे परिसरात काही काळ गोंधळाचे वातावरण निर्माण झाले.
घटनेनंतर परिसरात मोठा पोलीस बंदोबस्त तैनात करण्यात आला असून परिस्थिती नियंत्रणात असल्याचे सांगण्यात आले. या प्रकरणी पुढील तपास सुरू आहे.