IPL 2026 : आयपीएल २०२६ मध्ये आज ६० वा सामना रंगणार असून कोलकाता नाईट रायडर्स (Kolkata Knight Riders / KKR) आणि गुजरात टायटन्स (Gujarat Titans / GT) यांच्यात कोलकात्याच्या ईडन गार्डन्स मैदानावर जोरदार लढत होणार आहे. प्लेऑफच्या शर्यतीत टिकून राहण्यासाठी केकेआरला हा सामना जिंकणे आवश्यक आहे तर गुजरातचे लक्ष्य गुणतालिकेतील दुसरे स्थान कायम राखण्यासाठी विजय मिळवणे हा असेल.
गुजरात आधीच प्लेऑफमध्ये
शुभमन गिलच्या नेतृत्वात गुजरात टायटन्सने (Gujarat Titans) या हंगामात दमदार कामगिरी केली आहे. गुजरातने १२ पैकी ८ सामने जिंकत १६ गुणांसह प्लेऑफमध्ये प्रवेश केला आहे. आता त्यांचे लक्ष्य गुणतालिकेतील दुसरे स्थान कायम राखणे हेच आहे.
केकेआरसाठी करो किंवा मरो
अजिंक्य रहाणेच्या नेतृत्वात कोलकाता नाईट रायडर्सने (Kolkata Knight Riders) हंगामाची सुरुवात सलग पाच पराभवांनी केली होती. नंतर संघाने पुनरागमन करत सलग चार सामने जिंकले.मागील सामन्यात आरसीबी विरुद्ध पराभव झाल्याने केकेआरची विजयी मालिका खंडित झाली. त्या सामन्यात विराटच्या शतकी खेळीने सामना फिरवला होता.सध्या केकेआरने ११ पैकी ४ सामने जिंकले असून एक सामना पावसामुळे रद्द झाला. आता उरलेले तीनही सामने जिंकले तरच त्यांना जास्तीत जास्त १५ गुण मिळू शकतात. त्यामुळे प्लेऑफमध्ये जाण्यासाठी त्यांना इतर संघांच्या निकालांवरही अवलंबून राहावे लागू शकते.केकेआरसाठी युवा फलंदाज आंगीकृष रघुवंशीने ११ सामन्यांत ३४० धावा केल्या आहेत. तर गोलंदाजीत कार्तिक त्यागीने १० सामन्यांत १६ विकेट्स घेतल्या आहेत.गुजरातसाठी साई सुदर्शनने १२ सामन्यांत ५०१ धावा केल्या आहेत. तर वेगवान गोलंदाज कगिसो रबाडाने २१ विकेट्स घेत शानदार कामगिरी केली आहे.
हेड-टू-हेड रेकॉर्ड
केकेआर आणि जीटी या दोन्ही संघांमध्ये आतापर्यंत ५ सामने झाले आहेत. त्यापैकी गुजरातने ४ सामने जिंकले आहेत, तर केकेआरला फक्त एक विजय मिळाला आहे. यंदाच्या हंगामातील पहिल्या सामन्यातही गुजरातने केकेआरवर मात केली होती.
IPL 2026 : आयपीएल २०२६ मध्ये केकेआरने अपेक्षेप्रमाणे कामगिरी केली नाही. या हंगामात ११ पैकी चार सामने जिंकत ९ गुण मिळवले आहेत. त्यांना एक सामना पावसात वाहून ...
पीच रिपोर्ट
ईडन गार्डन्सची खेळपट्टी साधारणतः फिरकीपटूंना मदत करणारी मानली जाते. मात्र येथे मोठ्या धावसंख्या देखील पाहायला मिळतात. या मैदानावर आतापर्यंत आयपीएलचे १०४ सामने झाले असून प्रथम फलंदाजी करणाऱ्या संघाने ४३ वेळा विजय मिळवला आहे, तर ५९ वेळा लक्ष्याचा पाठलाग करणाऱ्या संघाने सामना जिंकला आहे.
दोन्ही संघांचे प्लेइंग-१२
गुजरात टायटन्स: शुभमन गिल (कर्णधार), साई सुदर्शन, जोस बटलर (यष्टीरक्षक), वॉशिंग्टन सुंदर, निशांत सिंधू, जेसन होल्डर, राहुल तेवतिया, राशिद खान, अर्शद खान, कगिसो रबाडा आणि मोहम्मद सिराज, प्रसिद्ध कृष्णा.
कोलकाता: अजिंक्य रहाणे (कर्णधार), फिन ऍलन, अंगकृष रघुवंशी (यष्टीरक्षक), कॅमेरॉन ग्रीन, रोवमन पॉवेल, मनीष पांडे, रिंकू सिंग, सुनील नरेन, अनुकूल रॉय, कार्तिक त्यागी, वैभव अरोरा, मनीष पांडे.