मुंबई : मुंबई महानगरपालिकेच्या 'एच/पूर्व' विभागाने अतिक्रमण विरोधी मोहिमेत आता जोरात हाती घेत धडक कारवाई करण्यास सुरुवात केली आहे. वांद्रे पूर्व येथील खार सबवे (अब्दुल हकीम चौक) ते गोळीबार कब्रिस्तान या दरम्यानच्या गोळीबार रोडवर बुधवारी, १३ मे रोजी संयुक्तपणे अतिक्रमण निर्मूलन कारवाई करण्यात आली. रस्त्याच्या कडेला असलेले ०९ अनधिकृत चिकन स्टॉल्स आणि इतर १० अनधिकृत स्टॉल्स अशा एकूण १९ स्टॉल्सवर हातोडा चालवला.या धडक कारवाईमुळे अनेक दिवसांपासून अतिक्रमणाने विळखा घातलेला हा रस्ता आता पूर्णपणे मोकळा झाला आहे.
महापालिका प्रमुख रुग्णालयांमधील सुविधांचा घेतला आढावा मुंबई : महानगरपालिकेच्या प्रमुख रुग्णालयांमधील विविध सुविधांबाबत महापालिका आरोग्य समिती ...
१९ अनधिकृत स्टॉल्स जमीनदोस्त
या मोहिमेदरम्यान रस्त्याच्या कडेला असलेले ०९ अनधिकृत चिकन स्टॉल्स आणि इतर १० अनधिकृत स्टॉल्स अशा एकूण १९ स्टॉल्सवर महापालिकेने कारवाई केली. महापालिकेचे कर्मचारी आणि पोलीस बंदोबस्तात ही मोहीम राबवण्यात आली. कारवाईनंतर संपूर्ण रस्ता मोकळा करण्यात आला असून, येथील वाहतूक आता सुरळीत झाली आहे. यापुढेही अनधिकृत अतिक्रमणांविरुद्ध अशीच कठोर मोहीम सुरू राहील, असा इशारा प्रशासनाकडून देण्यात आला
