पॅरिस : आगामी 2026 FIFA World Cup साठी फ्रान्सने २६ सदस्यीय संघ जाहीर केला आहे. २०२२ च्या अंतिम सामन्यात अर्जेंटिना विरुद्ध हॅटट्रिक मारणाऱ्या किलियन एम्बाप्पेला कर्णधारपद सोपवण्यात आले आहे. प्रशिक्षक डिडियर डेशॅम्प्स यांनी अनुभवी आणि युवा खेळाडूंचा समतोल करत मजबूत संघ निवडला आहे. एम्बाप्पेसोबत फॉरवर्ड लाईनमध्ये उस्मान डेम्बेले, डेसिरे डौए, मायकेल ओलिस,रायन चेर्की आणि ब्रॅडली बारकोला यांसारख्या आक्रमक खेळाडूंना संधी देण्यात आली आहे. त्यामुळे फ्रान्सची आक्रमक फळी या स्पर्धेत सर्वात धोकादायक मानली जात आहे.
The RCB Podcast - Life in Cricket : भारतीय क्रिकेट संघाचा दिग्गज क्रिकेटपटू विराट कोहली २०२७ च्या एकदिवसीय विश्वचषकात खेळण्यास तयार आहे. पण त्याला संघ व्यवस्थापन आणि ...
युवा गोलकीपरला पहिली संधी
घरगुती स्पर्धेत उत्कृष्ट कामगिरी करणाऱ्या युवा गोलकीपर रॉबिन रिसरयाची पहिल्यांदाच विश्वचषक संघात निवड झाली आहे. तो माईक मैगनन आणि ब्राईस सांबा यांच्यासोबत गोलकीपर गटात असेल.
कोलो मुआनी संघाबाहेर
गेल्या विश्वचषकात लक्षवेधी कामगिरी करणाऱ्या रँडल कोलो मुआनी याला यावेळी संघात स्थान मिळालेले नाही. त्याच्या जागी फॉर्ममध्ये असलेल्या जीन-फिलिप मटेटा याला संधी देण्यात आली आहे.
प्रशिक्षक डेसचॅम्प्ससाठी शेवटची स्पर्धा
२०१८ मध्ये फ्रान्सला विश्वविजेतेपद मिळवून देणारे प्रशिक्षक डिडिएर डेसचॅम्प्स यांच्यासाठी ही शेवटची स्पर्धा ठरणार आहे. त्यांनी या स्पर्धेनंतर फ्रान्स फुटबॉल मुख्य प्रशिक्षकपद सोडण्याची घोषणा केली आहे.
वर्ल्ड कप 2026 साठी फ्रान्सची संपूर्ण टीम
गोलकीपर: माइक मैगनन, ब्राइस सांबा, रॉबिन रिसर।
बचावपटू: लुकास डिग्ने, मालो गुस्टो, लुकास हर्नांडेज, थियो हर्नांडेज, इब्राहिमा कोनाटे, जूल्स कौंडे, मॅक्सन्स लॅक्रोइक्स, विल्यम सलीबा, डेयोट उपामेकानो
मिडफिल्डर्स: एनगोलो कांटे, मनु कोने, एड्रियन रबियोट, ऑरेलियन टचौमेनी, वॉरेन जैरे-एमरी
फॉरवर्ड: मॅग्नेस अक्लिओचे, ब्रॅडली बारकोला, रेयान चेर्की, ओस्मान डेम्बेले, डेसिरे डौए, जीन-फिलिप माटेटा, किलियन एमबाप्पे, मायकल ओलिसे, मार्कस थुरम