मुंबई (विशेष प्रतिनिधी) : ‘ई’ विभाग अंतर्गत प्रभाग क्रमांक २१२ मधील वॉटर स्ट्रीट कॉर्नर, टँक पाखाडी मार्ग व हाफिज अली बहादूर खान मार्गावरील अनधिकृत फेरीवाले, गॅरेज व भंगार व्यावसायिक तसेच इतर मिळून सुमारे ४० अतिक्रमणांवर महानगरपालिकेच्या ‘ई’ विभागाकडून कारवाई करण्यात आली. अनधिकृत बाकडे, स्टॉल्स, शेडस् यांच्यावर कारवाई करून अतिक्रमण निर्मूलन करण्यात आले.
'एसआयआर' मोहिमेचा तिसरा टप्पा जाहीर; ७ ऑक्टोबरला अंतिम मतदार यादी प्रसिद्ध होणार मुंबई : लोकशाहीचे अविभाज्य अंग असलेल्या मतदार याद्या अधिक पारदर्शक ...
उपायुक्त (परिमंडळ १) चंदा जाधव यांच्या मार्गदर्शनात, सहायक आयुक्त आनंद कंकाळ यांच्या देखरेखीखाली ही कारवाई करण्यात आली. ‘ई’ विभागातील वॉटर स्ट्रीट कॉर्नर, टँक पाखाडी मार्ग व हाफिज अली बहादूर खान मार्ग परिसरात अतिक्रमण झाल्यामुळे पादचाऱ्यांना चालण्यास अडथळा निर्माण झाल्याचे निदर्शनास आले होते. या पार्श्वभूमीवर, महानगरपालिकेच्या ‘ई’ प्रशासकीय विभाग (वॉर्ड) अंतर्गत कार्यरत परिरक्षण, अतिक्रमण निर्मूलन या विभागांनी संयुक्तरित्या मोहीम हाती घेतली. या कारवाईदरम्यान अनधिकृत विक्रेत्यांवर कारवाई करण्यात आली. पदपथावरील अतिक्रमण हटविण्यात आले. परिसरातील अनधिकृत फेरीवाल्यांवरही कारवाई करण्यात आली. तसेच, रस्ता रहदारीसाठी मोकळा करण्यात आला.
राज्य मंत्रिमंडळाचा मोठा निर्णय; आरक्षणाच्या अंमलबजावणीत पारदर्शकता आणण्याचा प्रयत्न मुंबई : सरकारी नोकरीसाठी स्पर्धा परीक्षा देणाऱ्या राखीव ...
१ जेसीबी यंत्र, ०३ वाहने, २० कामगारांच्या सहाय्याने केलेल्या या कारवाईवेळी अतिक्रमण निर्मूलन पथकाचे वरिष्ठ निरिक्षक, अनुज्ञापन निरिक्षक, वाहन व कर्मचारी तसेच परिरक्षण विभागाचे दुय्यम अभियंता, कनिष्ठ अभियंता, वाहन व कर्मचारी उपस्थित होते. नागपाडा पोलीस ठाण्याकडून यावेळी पुरेसा बंदोबस्त तैनात करण्यात आला होता. दरम्यान, अनधिकृत बांधकामे आणि अनधिकृत फेरीवाल्यांविरोधात नियमितपणे कारवाई सुरू राहील, असे प्रशासनाकडून स्पष्ट करण्यात येत आहे.
