नागपूर : राज्यातील नागपूर शहरात आता भगवान हनुमानांचं एक विराट आणि भव्य रूप साकारले जात आहे. नागपूरच्या कोराडी परिसरात मध्य भारतातील सर्वात उंच १६२ फुटांची बजरंगबलीची मूर्ती उभारण्यात येत असून, या मूर्तीच्या हातात तब्बल ७४ फुटी गदा असणार आहे. विशेष म्हणजे ही गदा जगातील सर्वात मोठ्या गदांपैकी एक मानली जात आहे. या भव्य प्रकल्पाचं लोकार्पण केंद्रीय गृहमंत्री अमित शहा यांच्या हस्ते होणार असल्याने या सोहळ्याकडे संपूर्ण राज्याचं लक्ष लागलं आहे.
मंत्री नितेश राणे यांचा इशारा; जितेंद्र आव्हाडांच्या आंदोलनावरही केली बोचरी टीका मुंबई : "राज्यात जिहादी प्रवृत्तींना थारा दिला जाणार नाही. निदा खान ...
मूर्तीचं काम अंतिम टप्प्यात
नागपूरच्या कोराडी परिसरात महालक्ष्मी जगदंबा मंदिराशेजारी उभारली जात असलेली ही भव्य हनुमानाची मूर्ती आता अंतिम टप्प्यात पोहोचली आहे. मध्य भारतातील सर्वात उंच आणि आकर्षक हनुमान मूर्ती म्हणून या प्रकल्पाकडे पाहिलं जात आहे. या संपूर्ण संरचनेची उंची फाउंडेशनसह तब्बल २०६ फूट असून, प्रत्यक्ष मूर्तीची उंची १६२ फूट आहे. अत्याधुनिक तंत्रज्ञानाचा वापर करून ही मूर्ती उभारण्यात आली आहे.
७४ फुटांची गदा ठरणार विशेष आकर्षण
या मूर्तीतील सर्वात मोठं आकर्षण म्हणजे भगवान हनुमानांच्या हातातील ७४ फूट उंचीची विशाल गदा. जगातील सर्वात मोठ्या गदांमध्ये तिची गणना होणार असून, तिची नोंद ‘गिनीज बुक ऑफ वर्ल्ड रेकॉर्ड’मध्ये करण्याची प्रक्रियाही सुरू असल्याची माहिती मूर्तिकारांनी दिली आहे. या गदेची भव्यता पाहण्यासाठी भाविक आणि पर्यटकांमध्ये मोठी उत्सुकता निर्माण झाली आहे.
लखनौ : उत्तरप्रदेशचे माजी मुख्यमंत्री दिवंगत मुलायम सिंह यादव यांचे धाकटे चिरंजीव आणि भाजप नेत्या अपर्णा यादव (Aparna Yadav) यांचे पती प्रतीक यादव (Pratik Yadav) यांचे ...
या संपूर्ण प्रकल्पामध्ये आधुनिक तंत्रज्ञानाचा प्रभावी वापर करण्यात आला आहे. मूर्तीवर विशेष धातूचा लेप देण्यात आला असून त्यामुळे ती अधिक आकर्षक, चमकदार आणि टिकाऊ बनली आहे. रात्रीच्या वेळी विशेष लाईटिंग आणि प्रोजेक्शन मॅपिंगच्या साहाय्याने ही मूर्ती विविध रूपांमध्ये पाहायला मिळणार आहे. एवढंच नाही तर प्रोजेक्शनच्या माध्यमातून हनुमान चालीसाचं सादरीकरणही करण्यात येणार आहे. त्यामुळे भाविकांना धार्मिक अनुभवासोबतच आधुनिक तंत्रज्ञानाचाही अनोखा अनुभव घेता येणार आहे.
मध्य भारतातील सर्वात उंच हनुमान मूर्ती
धार्मिक पर्यटनाला मिळणार चालना
जूनपर्यंत काम पूर्ण होण्याची शक्यता
नागपूर जिल्ह्याचे पालकमंत्री आणि महसूल मंत्री चंद्रशेखर बावनकुळे यांनी दिलेल्या माहितीनुसार, जून महिन्यापर्यंत या संपूर्ण प्रकल्पाचं काम पूर्ण होण्याची शक्यता आहे. त्यानंतर भव्य लोकार्पण सोहळा पार पडणार असून केंद्रीय गृहमंत्री अमित शहा यांच्या उपस्थितीत हा सोहळा पार पडण्याची शक्यता वर्तवली जात आहे. हा प्रकल्प भविष्यात नागपूरची नवी ओळख ठरणार असल्याचं देखील मानलं जात आहे.