मुंबई:पनवेल महानगरपालिका क्षेत्रातील खारघर शहरात सुरू असलेल्या 'गोदरेज प्रॉपर्टीज' आणि 'भगवती विहान' या गृहप्रकल्पांमधील नियमबाह्य उत्खनन, बांधकामाची गंभीर दखल घेतली असून या प्रकरणी सखोल चौकशी करून संबंधित यंत्रणांनी सात दिवसांत वस्तुस्थितीदर्शक अहवाल सादर करावा, असे निर्देश महसूल मंत्री चंद्रशेखर बावनकुळे यांनी आज मंत्रालयात झालेल्या बैठकीत दिले. "नियमांचे उल्लंघन करणाऱ्यांची कोणत्याही परिस्थितीत गय केली जाणार नाही," असा स्पष्ट इशाराही त्यांनी यावेळी दिला.खारघरमधील सेक्टर ५ आणि सेक्टर १० मधील या प्रकल्पांमध्ये मोठ्या प्रमाणावर नियमबाह्य गौण खनिज उत्खनन, विनापरवाना ब्लास्टिंग आणि अनधिकृत बांधकामे होत असल्याच्या तक्रारी आमदार विक्रांत पाटील यांनी महसूल मंत्र्यांकडे पत्राद्वारे केल्या होत्या. या पत्रात नमूद केल्यानुसार, सिडकोच्या खारघर नोडमधील गृहप्रकल्प शासकीय परवानगी न घेता नियमबाह्य पद्धतीने सुरू आहेत. या तक्रारींचे गांभीर्य लक्षात घेऊन महसूल मंत्र्यांनी आज तातडीने बैठक बोलावली होती.
मुंबई: रायगड जिल्ह्यातील पर्यटनाला चालना देण्यासाठी जिल्ह्यात सुरू असलेल्या पर्यटनांच्या कामांना गती देण्यासाठी निधी उपलब्ध करून देण्यासाठी ...
पर्यावरणाचे नियम धाब्यावर बसवून मोठ्या प्रमाणात गौण खनिजाचे उत्खनन सुरू आहे. अवजड डम्पर्सच्या वाहतुकीमुळे सेक्टर ५ मध्ये एका तरुणाचा दुर्दैवी मृत्यू झाला होता. अनधिकृत ब्लास्टिंग आणि धुळीमुळे खारघरमधील हवा बिघडत असून नागरिकांचे आरोग्य धोक्यात आले आहे असेही आ. विक्रांत पाटील यावेळी म्हणाले. महसूल मंत्र्यांनी सिडको, महसूल विभाग, प्रदूषण नियंत्रण मंडळ आणि पोलीस प्रशासनाला या प्रकरणाची संयुक्त चौकशी करण्याचे आदेश दिले आहेत.रायगडचे जिल्हाधिकारी, सिडको व पनवेल महानगरपालिका आयुक्त, आरटीओ अधिकारी, प्रदूषण नियंत्रण मंडळाचे प्रतिनिधी आणि खारघर पोलीस स्टेशनचे वरिष्ठ अधिकारी दूरदृश्य प्रणालीद्वारे उपस्थित होते.
