Tuesday, May 12, 2026

NEET-UG 2026 : पेपरफुटीमुळे NEET परीक्षा रद्द झाली, आता पुढे काय होणार ?

NEET-UG 2026 : पेपरफुटीमुळे NEET परीक्षा रद्द झाली, आता पुढे काय होणार ?

नवी दिल्ली : पेपरफुटी झाल्याचे उघड झाल्यानंतर वैद्यकीय प्रवेशासाठी रविवार ३ मे २०२६ रोजी घेण्यात आलेली 'नीट' (NEET-UG 2026 or National Eligibility cum Entrance Test For Undergraduate) परीक्षा रद्द करण्यात आली आहे. राष्ट्रीय परीक्षा संस्थेने (NTA or National Testing Agency) हा निर्णय घेतला आहे. आता पुढे काय होणार या प्रश्नाचे उत्तर एनटीएने दिले आहे.

पेपरफुटी प्रकरणी सीबीआय चौकशी करून पुढील कायदेशीर कारवाई केली जाईल. ज्या विद्यार्थ्यांनी मे २०२६ च्या परीक्षेसाठी आधीच नोंदणी केली होती त्यांना पुन्हा होणार असलेल्या 'नीट' (NEET-UG 2026 or National Eligibility cum Entrance Test For Undergraduate) परीक्षेसाठी नव्याने नोंदणी करावी लागणार नाही. विद्यार्थ्यांना ३ मे रोजी ज्या परीक्षा केंद्रात परीक्षेसाठी बोलावले होते त्याच परीक्षा केंद्रात पुन्हा परीक्षेसाठी बोलावले जाणार आहे. परीक्षा केंद्रांच्या नियोजनात बदल केला जाणार नाही. नव्याने होणार असलेल्या परीक्षेसाठी विद्यार्थ्यांना नव्याने शुल्क आकारले जाणार नाही. विद्यार्थ्यांनी ३ मे रोजी झालेल्या परीक्षेसाठी भरलेले पैसे त्यांना परत केले जातील आणि NTA स्वतःच्या अंतर्गत निधीतून फेरपरीक्षा घेणार आहे.

नीटची फेरपरीक्षा कधी होणार याचे वेळापत्रक लवकरच जाहीर केले जाणार आहे. फेरपरीक्षेचे वेळापत्रक आणि नवीन प्रवेशपत्र (Admit Card) डाऊनलोड करण्याबाबतची माहिती लवकरच अधिकृत वेबसाईटवर प्रसिद्ध केली जाईल, अशी माहिती राष्ट्रीय परीक्षा संस्थेने (NTA or National Testing Agency) दिली आहे. परीक्षेच्या नव्या वेळापत्रकाची माहिती घेण्यासाठी एनटीएच्या अधिकृत वेबसाईटला भेट द्या, असे आवाहन करण्यात आले आहे.

नीट संदर्भात काही शंका असल्यास अधिकृत हेल्पलाईनवर संपर्क साधण्याचे आवाहन राष्ट्रीय परीक्षा संस्थेने (NTA or National Testing Agency) केले आहे.

हेल्पलाईन :

ई-मेल : neet-ug@nta.ac.in

संपर्क क्रमांक : 011-40759000 / 011-69227700

Comments
Add Comment
प्रहार ई-पेपर
हे पण पहा
संबंधित बातम्या आणखी वाचा >