नवी दिल्ली : दिवंगत उद्योगपती संजय कपूर यांच्या तब्बल ३० हजार कोटी रुपयांच्या मालमत्तेवरून सुरू असलेला कौटुंबिक वाद आता सर्वोच्च न्यायालयात अधिकच गाजू लागला आहे. संजय कपूर यांच्या आई राणी कपूर आणि तिसरी पत्नी प्रिया कपूर यांच्यात आर. के. फॅमिली ट्रस्टच्या नियंत्रणावरून संघर्ष सुरू असून, या प्रकरणावर सुनावणी करताना सर्वोच्च न्यायालयाने “हे अत्यंत गुंतागुंतीचे कौटुंबिक प्रकरण महाभारतालाही फिके पाडेल,” अशी तीव्र टिप्पणी केली.
पार्थ सरचिटणीस, तर जय पवार राष्ट्रीय सचिव; निवडणूक आयोगाकडे सोपवली नव्या राष्ट्रीय कार्यकारिणीची यादी मुंबई : राष्ट्रवादी काँग्रेसच्या संघटनात्मक ...
न्यायमूर्ती जे. बी. परडीवाला आणि न्यायमूर्ती उज्जल भुयान यांच्या खंडपीठासमोर मंगळवारी या प्रकरणाची सुनावणी झाली. राणी कपूर यांनी ट्रस्टच्या कारभारात हस्तक्षेप करण्यासाठी दाखल केलेली नवी याचिका न्यायालयाने ऐकण्यास सहमती दर्शवली. “आम्ही या प्रकरणाची चौकशी करू,” असे स्पष्ट करत न्यायालयाने या वादाची गंभीर दखल घेतली.
मुंबई : राष्ट्रवादी काँग्रेसमधील (अजित पवार) अंतर्गत घडामोडींबाबत राजकीय वर्तुळात उलटसुलट चर्चा सुरू असताना, प्रदेशाध्यक्ष सुनील तटकरे यांनी ...
राणी कपूर यांच्या वकिलांनी न्यायालयात दावा केला की, सर्वोच्च न्यायालयाने ७ मे रोजी दिलेल्या आदेशाला बगल देण्याचे प्रयत्न सुरू आहेत. न्यायालयाने याआधी या वादात तोडगा काढण्यासाठी माजी सरन्यायाधीश डी. वाय. चंद्रचूड यांची मध्यस्थ म्हणून नियुक्ती केली होती. मात्र, त्यानंतर लगेचच रघुवंशी इन्व्हेस्टमेंट प्रायव्हेट लिमिटेड कडून संचालक मंडळाची बैठक बोलावण्यात आली, असा आरोप करण्यात आला.
१८ मे रोजी होणाऱ्या या बैठकीच्या अजेंड्यात दोन नवीन स्वतंत्र संचालकांची नियुक्ती आणि अधिकृत बँक स्वाक्षरीकर्त्यांमध्ये बदल करण्याचा प्रस्ताव असल्याचे न्यायालयात सांगण्यात आले. हे सर्व सर्वोच्च न्यायालयाच्या मध्यस्थी प्रक्रियेच्या मूळ उद्देशालाच विरोध करणारे असल्याचा युक्तिवाद राणी कपूर यांच्या बाजूने करण्यात आला. दुसरीकडे, आरआयपीएलच्या वकिलांनी कंपनीने रिझर्व्ह बँकेच्या बिगर-बँकिंग वित्तीय कंपन्यांसाठीच्या मार्गदर्शक तत्त्वांनुसारच पावले उचलल्याचे स्पष्टीकरण दिले. मात्र, राणी कपूर यांनी हा प्रयत्न म्हणजे कंपनीच्या गुंतवणुकीवर आणि बँक खात्यांवर नियंत्रण मिळवण्याचा डाव असल्याचा आरोप केला.
