Jalgaon Crime : दारू पिऊन सतत त्रास देणाऱ्या पतीला अखेर पत्नीनं संपवलं आहे. ही घटना जळगाव शहरातील कानळदा रस्त्यावरील केसी पार्क परिसरात घडलीय. भरत नामदेव पाटील (५८, रा. केसी पार्क) असं मयत पतीचे नाव असून पत्नी मनीषा भरत पाटील (५०) असे पत्नीचे नाव आहे. पोलिसांनी मनीषा पाटील विरोधात गुन्हा दाखल केला आहे.
जालना : पुणे, अकोला आणि आता जालना मुलींवर होणाऱ्या अत्याचारांची भयानक मालिका सुरु झाली आहे. महाराष्ट्र या घटनांनी हादरून गेला आहे. राज्यभर संतापाची लाट ...
दारूच्या व्यसनाने कुटुंबीय त्रस्त
शहरातील कानळदा रस्त्यावरील केसी पार्क परिसरातील भरत पाटील हे पत्नी व दोन मुलांसह राहत होते. त्यांची पत्नी मनीषा एका कापड दुकानात तर दोन मुलं एमआयडीसी कंपनीत कामाला होते. भरत पाटील यांना दारूचे व्यसन होते. दारुच्या नशेत पत्नीसह मुलांना ते नेहमीच त्रास देत होते. वारंवार होत असलेल्या या त्रासाला सर्वच कंटाळले होते. दारू सोडा म्हणून भरत पाटील यांना कुटुंबियांनी अनेकदा समजावले. मात्र भारत पाटील यांचा दारूचा नाद काही सुटत नव्हता. (Jalgaon Crime)
नवी दिल्ली : पाकिस्तानातील दहशतवादी तळ उद्ध्वस्त करण्यासाठी भारताने राबवलेल्या ऑपरेशन सिंदूरला आज एक वर्ष पूर्ण झाले आहे. यानिमित्ताने पंतप्रधान ...
घटनेच्या दिवशी काय घडलं ?
मंगळवारी (५ मे) रात्री ९ वाजता मनिषा पाटील या कामावरुन घरी परतल्या. त्यावेळी पती दारुच्या नशेत घराच्या ओट्यावर बसलेला होता. त्यावेळी देखील त्याने पुन्हा दारुच्या नशेत पत्नीसोबत वाद घातला. बघता बघता वाद टोकाला पोहोचला. मनीषा पाटील यांना संतापत अनावर झाला. संतापाच्या भरात मनिषा पाटील यांनी पती भरत पाटील याचा दोरीच्या सहाय्याने गळा आवळला व पलंगावरून त्यास खाली ओढले. त्या वेळी पतीचे डोके जमिनीवर आपटले गेले कानातून, नाकातून मोठा रक्तस्त्राव झाला.
हे दृश्य पाहताच एका तरुणाने भरत पाटील यांना शासकीय वैद्यकीय महाविद्यालय व रुग्णालयात दाखल केले. मात्र तोपर्यंत उशीर झाला होता. डॉक्टरांसह पोलिसांनी मयत भरत पाटील यांच्या शरिराची पाहणी केल्यानंतर त्यांच्या मानेवर गळा आवळल्याचे व्रण दिसले. त्यामुळे घातपाताचा संशय बळावला. सुरुवातीला या प्रकरणी जळगाव शहर पोलीस ठाण्यात आकस्मिक मृत्यूची नोंद करण्यात आली होती. त्यानंतर बुधवारी दुपारच्या सुमारास भरत पाटील यांच्या मृतदेहाचे शवविच्छेदन करण्यात आले. त्यावेळी डॉक्टरांनी दिलेल्या प्राथमिक अहवालावरुन भरत पाटील यांचा मृत्यू गळा आवळल्यामुळे झाल्याचे निष्पन्न झाले. त्यानंतर पोलिसांनी तपासाची चक्रे फिरवली. (Jalgaon Crime)
मयताच्या पत्नीकडून गुन्ह्याची कबुली
पोलिसी खाक्या दाखवताच संशयित आरोपी मनीषा पाटील हिने आपल्या गुन्ह्याची कबुली दिली. दारुच्या आहारी गेलेल्या पतीकडून वारंवार त्रास दिला जात होता. त्याला कंटाळून संतापाच्या भरात गळा आवळून खून केल्याची कबुली दिली. त्यामुळे अकस्मात मृत्यूची नोंद असलेल्या प्रकरणात नंतर खुनाचा गुन्हा दाखल करण्यात आला आहे. यामुळे परिसरात खळबळ उडाली आहे.