KKR VS SRH : वेस्ट इंडिजचा स्टार खेळाडू सुनील नरेनने आता एक नवा विक्रम आपल्या नावी केला आहे. त्याने रविवारी ३ मे रोजी राजीव गांधी आंतरराष्ट्रीय स्टेडियममध्ये सनरायझर्स हैदराबादविरुद्ध मधल्या फळीतील फलंदाज सलील अरोराला बाद करून हा पराक्रम केला. हा बळी नरेनच्या आयपीएल करिअरमधील २०० वा बळी ठरला. या सामन्यात त्याने चार षटकात ३१ धावा देत दोन बळी घेतले.
सुनील नरेन आता भुवनेश्वर कुमार आणि युजवेंद्र चहल सोबत आयपीएलमध्ये २०० बळी घेणार तिसरा गोलंदाज ठरला आहे. विशेष म्हणजे, नरेन २०१२ पासून केवळ कोलकाता संघासाठी खेळत आहे. एकाच संघासाठी दोनशे बळी घेणारा तो एकमेव गोलंदाज आहे.सुनीव नरेनचे आयपीएल करिअर उल्लेखनीय आहे. त्याने ११७ सामन्यात २५ च्या सरासरीने २०० बळी घेतले आहेत. त्याचा इकॉनॉमी रेट इतर गोलंदाजांपेक्षा उत्तम आहे. आयपीएयच्या इतिहासात १०० पेक्षा जास्त बळी घेणाऱ्या गोलंदाजांमध्ये ६.८ ची त्याची इकॉनॉमी सर्वोत्तम आहे. त्याने आयपीअलमध्ये आठ वेळा चार किंवा त्यापेक्षा जास्त बळी घेतले आहेत. आयपीएलमध्ये त्याच्या नावावर एक हॅट-ट्रिक पण आहे.
कोलकाता नाईट रायडर्सचा सात विकेट राखून विजय
हैदराबाद येथे कोलकाता नाईट रायडर्स विरुद्ध सनरायझर्स हैदराबाद हा सामना झाला. नाणेफेक जिंकून हैदराबादने फलंदाजीचा निर्णय घेतला. त्यांनी १९ षटकांत सर्वबाद १६५ धावा केल्या. तर कोलकाता नाईट रायडर्सने १८.२ षटकांत तीन बाद १६९ धावा करून सामना सात विकेट राखून सहज जिंकला. चार षटकांत ३६ धावा देत तीन बळी घेणारा कोलकाताचा वरुण चक्रवर्ती सामनावीर झाला.