Amruta Fadnavis New Song : अमृता फडणवीसांचे ‘नमन तुला’गाणे प्रदर्शित,गाण्यामध्ये लोकप्रिय अभिनेत्याचा खास कॅमिओ

१ मे महाराष्ट्र दिनी अमृता फडणवीसांचे 'नमन तुला'हे गाणे रिलीज झाले आहे.या गाण्यातून छत्रपती शिवाजी महाराजांना मानवंदना देण्यात आली आहे. या गाण्यात महाराष्ट्राचा मराठमोळा अभिनेता रितेश देशमुख याचा एक खास कॅमिओ देखील आहे. 'नमन तुला' गाण्याच्या गायिका अमृता फडणवीस यांनी त्या गाण्यात नृत्यही केले आहे. अनु मलिक या गाण्याचे संगीतकार असून चैतन्य कुलकर्णी गीतकार आहेत.तर गाण्याचं दिग्दर्शन शक्ती हसिजा यांनी केलं आहे.

‘राजा शिवाजी’मध्ये छत्रपती शिवाजी महाराजांची भूमिका साकारणारा अभिनेता रितेश देशमुख याचा या गाण्यात ४ मिनिटं २१ सेकंदाचा कॅमिओ आहे. छत्रपती शिवाजी महाराजांचा इतिहास, त्यांनी जिंकलेले किल्ले या सगळ्याचा उल्लेख गाण्यात करण्यात आला आहे. या गाण्यावर चाहत्यांच्या भरपूर लाइक्स व कमेंट्स दिसून येत आहेत. अनेकांना हे हे गाणं आवडलं, तर काहींनी आपली नाराजी व्यक्त केली. अमृता फडणवीसांनी सिनेमाच्या गाण्याप्रमाणे यावर नृत्य केल्याने दर्शकांची नाराजी कमेंट्समधून दिसत आहे. त्यामुळे सध्या ‘नमन तुला’ या गाण्याची सर्वत्र चर्चा पाहायला मिळतेय.