मुंबई : बॉलिवूड अभिनेत्री स्वरा भास्कर (Swara Bhaskar) तिच्या स्पष्टवक्तेपणासाठी ओळखली जाते. फहाद अहमद यांच्याशी आंतरधर्मीय विवाह केल्यानंतर तिला सोशल मीडियावर मोठ्या प्रमाणात ट्रोलिंगचा सामना करावा लागला. मुलीच्या जन्मानंतर तिच्या शरीरात झालेल्या बदलांवरूनही अनेकांनी स्वराला लक्ष्य केले. आता अभिनेत्रीने एका पॉडकास्टमध्ये या ट्रोलिंगवर खुलेपणाने भाष्य करत टीकाकारांना सडेतोड उत्तर दिले आहे.
जय मदन यांच्या पॉडकास्टमध्ये स्वरा भास्करने लग्न, मातृत्व आणि बॉडी-शेमिंगसह विविध विषयांवर चर्चा केली. आपल्या दिसण्यावर होणाऱ्या टीकेबाबत बोलताना तिने स्पष्ट शब्दांत सांगितले की, तिचं आयुष्य इतरांना खूश करण्यासाठी नाही. एखाद्याला ती आवडत नसेल तर तिचं सोशल मीडिया पेज पाहण्याची गरज नाही, असेही तिने सुनावले.
मुंबई : महाराष्ट्रासह देशभरातील युवकांना क्रीडा, तंत्रज्ञान, नवोन्मेष, उद्योजकता आणि संस्कृतीच्या माध्यमातून एकत्र आणण्यासाठी पुण्यात ‘विकसित भारत ...
स्वराने सांगितले की, मुलाच्या जन्मानंतर महिलेच्या शरीरात अनेक बदल होतात. तिच्या म्हणण्यानुसार, मनोरंजन क्षेत्रात कायम तरुण आणि आकर्षक दिसण्याचा दबाव असतो. यासाठी बोटॉक्स, इंजेक्शन आणि प्लास्टिक सर्जरीसारख्या गोष्टींचाही वापर केला जातो. मात्र, वय वाढणे, शरीरात बदल होणे आणि आयुष्यात वेगवेगळे टप्पे येणे ही नैसर्गिक प्रक्रिया आहे, असे तिने म्हटले. ( Swara Bhasker Statement)
फहादसोबत निवडणूक प्रचारात व्यस्त असताना मेकअप न केलेला तिचा फोटो सोशल मीडियावर पोस्ट करण्यात आला होता. त्यानंतर काही जणांनी तिच्या जुन्या आणि नव्या फोटोची तुलना करत आंतरधर्मीय विवाहावरूनही टीका केली. लग्नानंतर ती जाड आणि कुरूप झाल्याचे काही कमेंट्स करण्यात आल्याचे स्वराने सांगितले. या ट्रोलिंगमुळे फहादलाही चिंता वाटत होती, असे तिने नमूद केले.
स्वराने पुढे सांगितले की, महिलांवर त्यांच्या दिसण्याबाबत समाजाकडून मोठा दबाव असतो. विशेषतः बाळंतपणानंतर महिलांना वजन कमी करण्याची चिंता सतावत असते. मात्र, या काळात शरीराला विश्रांती आणि योग्य पोषणाची गरज असते. कुटुंबाचा पाठिंबा आणि योग्य माहितीमुळे आपण या गोष्टींकडे वेगळ्या पद्धतीने पाहू शकतो, असेही तिने सांगितले.
स्वरा भास्कर आणि फहाद अहमद यांनी 16 फेब्रुवारी 2023 रोजी विशेष विवाह कायद्यांतर्गत कोर्ट मॅरेज केले. सप्टेंबर 2023 मध्ये या दाम्पत्याला राबिया नावाची मुलगी झाली. ( Celebrity News)