नवी दिल्ली : पंजाब किंग्सने शनिवारी दिल्ली कॅपिटल्सविरुद्ध ६ गडी राखून विजय मिळवत आयपीएलच्या इतिहासातील सर्वात मोठ्या धावसंख्येचा यशस्वी पाठलाग (रन चेस) करण्याचा विक्रम प्रस्थापित केला आहे.दिल्ली कॅपिटल्सने के.एल. राहुलच्या नाबाद १५२ धावांच्या जोरावर २० षटकांत २ बाद २६४ धावांचा डोंगर उभा केला होता. या महाकाय आव्हानाचा पाठलाग करताना पंजाबकडून प्रभसिमरन सिंह आणि कर्णधार श्रेयस अय्यर यांनी धडाकेबाज अर्धशतके झळकावली. त्यांच्या या कामगिरीच्या जोरावर पंजाबने १८.५ षटकांत ४ बाद २६५ धावा करत ऐतिहासिक विजय साकारला.
आयपीएल इतिहासातील हे सर्वात मोठे 'रन चेस' ठरले आहे. विशेष म्हणजे, हा विक्रम यापूर्वीही पंजाब किंग्सच्याच नावावर होता. २०२४ मध्ये त्यांनी कोलकाता नाईट रायडर्सविरुद्ध २६२ धावांचा यशस्वी पाठलाग केला होता. आता स्वतःचाच विक्रम मोडीत काढत पंजाबने आयपीएलमध्ये नवा इतिहास रचला आहे.
दिल्ली संघाचा खेळाडू केएल राहुलने शानदार नाबाद शतक झळकावले. त्याने या सामन्यात १५२ धावांची ऐतिहासिक खेळी केली. आयपीएलच्या इतिहासात कोणत्याही भारतीय फलंदाजाने केलेली ही सर्वोच्च धावसंख्या आहे. यापूर्वी हा विक्रम अभिषेक शर्माच्या नावावर होता, ज्याने गेल्या हंगामात पंजाबविरुद्ध १४१ धावांची खेळी केली होती.दिल्लीकडून नीतीश राणाने ९१ धावांचे योगदान दिले. राहुल आणि राणा यांच्यात दुसऱ्या विकेटसाठी २२० धावांची विक्रमी भागीदारी झाली.
इंडियन प्रीमियर लीग २०२६ स्पर्धेत पंजाब किंग्सने शनिवारी दिल्ली कॅपिटल्सला त्यांच्याच घरच्या मैदानात अरुण जेटली स्टेडियममध्ये पराभवाचा धक्का दिला. पंजाबने ६ विकेट्सने विजय मिळवला आहे. हा ७ सामन्यांतील ६ वा विजय आहे. त्यांचा एक सामना पावसामुळे रद्द झाला आहे. त्यामुळे ते अद्यापही अपराजित आहेत. ७ सामन्यात अपराजित राहणारा त्यांचा पहिला संघ आहे. या सामन्यात दिल्लीने पंजाबसमोर २६५ धावांचे लक्ष्य ठेवले होते. या लक्ष्याचा पाठलाग पंजाबने १८.५ षटकातच पूर्ण केला. त्यामुळे त्यांनी इतिहास रचला आहे. टी२० क्रिकेटमध्ये यापूर्वी कधीही इतक्या मोठ्या धावसंख्येचा यशस्वी पाठलाग झालेला नव्हता. त्यामुळे पंजाब किंग्स टी२०क्रिकेटमध्ये सर्वात मोठ्या धावसंख्येचा पाठलाग करणारा संघ ठरला आहे. आजच्या सामन्यात दोन्ही संघांकडून तब्बल ५२९ धावा काढल्या गेल्या. हाही एक विक्रमच ठरला आहे.
२६५ धावांच्या विशाल लक्ष्याचा पाठलाग करताना पंजाबसाठी कर्णधार श्रेयस अय्यर आणि सलामीवीर प्रभसिमरन सिंह यांनी अर्धशतके झळकावली. प्रभसिमरन सिंहने अवघ्या २६ चेंडूत ७६ धावांची दमदार खेळी केली. तर श्रेयस अय्यरने ३६ चेंडूत ७१ धावांची नाबाद खेळी केली. तसेच य प्रियांश आर्याने ४३ धावांची महत्त्वपूर्ण खेळी खेळली.
पंजाबची पहिल्या विकेटसाठी १२६ धावांची भागीदारी
प्रभसिमरन आणि प्रियांश यांच्यात पहिल्या विकेटसाठी १२६ धावांची भागीदारी झाली. दिल्लीच्या कुलदीप यादवने २ बळी घेतले, तर अक्षर पटेल आणि विप्रज निगम यांना प्रत्येकी १-१ बळी मिळाला.पंजाब किंग्सने शनिवारी दिल्ली कॅपिटल्सविरुद्ध ६ गडी राखून विजय मिळवत आयपीएलच्या इतिहासातील सर्वात मोठ्या धावसंख्येचा यशस्वी पाठलाग (रन चेस) करण्याचा विक्रम प्रस्थापित केला आहे.दिल्ली कॅपिटल्सने के.एल. राहुलच्या नाबाद १५२ धावांच्या जोरावर २० षटकांत २ बाद २६४ धावांचा डोंगर उभा केला होता. या महाकाय आव्हानाचा पाठलाग करताना पंजाबकडून प्रभसिमरन सिंह आणि कर्णधार श्रेयस अय्यर यांनी धडाकेबाज अर्धशतके झळकावली. त्यांच्या या कामगिरीच्या जोरावर पंजाबने १८.५ षटकांत ४ बाद २६५ धावा करत ऐतिहासिक विजय साकारला.
पंजाबने स्वतःचाच विक्रम मोडला
आयपीएल इतिहासातील हे सर्वात मोठे 'रन चेस' ठरले आहे. विशेष म्हणजे, हा विक्रम यापूर्वीही पंजाब किंग्सच्याच नावावर होता. २०२४ मध्ये त्यांनी कोलकाता नाईट रायडर्सविरुद्ध २६२ धावांचा यशस्वी पाठलाग केला होता. आता स्वतःचाच विक्रम मोडीत काढत पंजाबने आयपीएलमध्ये नवा इतिहास रचला आहे.