तेहरान : इराणचे सर्वोच्च नेते मोजतबा खामेनी हे चिठ्ठ्यांच्या माध्यमातून इराणी सत्ताधाऱ्यांच्या संपर्कात असल्याचा दावा एका अहवालात करण्यात आला आहे. इराणी अधिकाऱ्यांच्या हवाल्याने म्हटले आहे की, इराणचे नवे सर्वोच्च नेते आयातुल्ला मोजतबा खामेनी हे सुप्रीम लीडर झाल्यापासून सार्वजनिकरीत्या दिसलेले नाहीत.अहवालानुसार, मोजतबा खामेनी आपल्या पहिल्या सार्वजनिक भाषणात कमकुवत किंवा असुरक्षित दिसू इच्छित नाहीत. सुरक्षेच्या कारणास्तव तसेच अमेरिका आणि इस्रायलच्या नजर ठेवण्यापासून बचाव करण्यासाठी त्यांच्यापर्यंत संदेश पोहोचवण्याची पद्धत अत्यंत गोपनीय ठेवण्यात आली आहे.
मोजतबा खामेनी यांचे संदेश हाताने लिहिले जातात, लिफाफ्यात सीलबंद केले जातात आणि त्यानंतर विश्वासू दूतांच्या साखळीमार्फत पुढे पाठवले जातात. हे दूत कार आणि मोटारसायकलींनी मुख्य रस्ते तसेच आतील मार्गांचा वापर करून संदेश त्यांच्या ठिकाणी पोहोचवतात. मोजतबा खामेनेई कोणतेही इलेक्ट्रॉनिक उपकरण वापरत नसल्याचेही सांगितले गेले आहे.
मुंबई : भारत आणि चीनला “नरकाचे खड्डे” असे संबोधणारी सोशल मीडियावरील पोस्ट शेअर केल्यानंतर इराणने तीव्र आक्षेप घेत अमेरिकेचे राष्ट्राध्यक्ष डोनाल्ड ...
एका अहवालानुसार, वडिलांच्या निधनानंतर सत्तेची सूत्रे हाती घेतलेले मोजतबा खामेनी गंभीर जखमी असून सध्या गुप्त ठिकाणाहून काम करत आहेत. ते शुद्धीत आहेत, मात्र सार्वजनिकरीत्या समोर येत नाहीत आणि त्यांची भूमिका हळूहळू कमी केली जात असल्याचेही अहवालात नमूद करण्यात आले आहे.
अहवालात म्हटले आहे की, ते मानसिकदृष्ट्या पूर्णपणे सक्रिय आहेत, मात्र शारीरिक दुखापती गंभीर आहेत. त्यांच्या एका पायावर तीन वेळा शस्त्रक्रिया झाली असून आता त्यांना कृत्रिम पायाची गरज आहे. एका हातावरही शस्त्रक्रिया झाली असून तो हळूहळू बरा होत आहे. त्यांच्या चेहऱ्यावर आणि ओठांवर गंभीर भाजल्या गेल्याने बोलण्यात अडचण येत आहे आणि पुढे प्लास्टिक सर्जरीची गरज भासू शकते.
वॉशिंग्टन : अमेरिकेचे राष्ट्राध्यक्ष डोनाल्ड ट्रम्प यांनी घोषणा केली की इस्रायल आणि लेबनॉन यांच्यातील युद्धविराम आणखी तीन आठवड्यांसाठी वाढवण्यात ...
मोजतबा खामेनी यांच्याबाबतची ही माहिती अशा वेळी समोर आली आहे, जेव्हा इराणच्या राजकीय आणि लष्करी नेतृत्वात एकमत नसल्याचा दावा केला जात आहे. अमेरिकेचे राष्ट्राध्यक्ष डोनाल्ड ट्रम्प यांनीही इराणच्या राजकीय आणि लष्करी नेतृत्वात अंतर्गत संघर्ष असल्याचे म्हटले होते.मात्र, इराणने हे दावे ठामपणे फेटाळून लावले आहेत. इराणच्या राष्ट्राध्यक्षांनी सोशल मीडियावरील एका पोस्टमध्ये म्हटले आहे, “इराणमध्ये कट्टरपंथी किंवा उदारमतवादी असा भेद नाही. आम्ही सर्व इराणी आणि क्रांतिकारी आहोत. देशात एकजूट आहे. आम्ही आक्रमणकर्त्यांना पश्चात्ताप करायला भाग पाडू. एक अल्लाह, एक देश, एक नेता आणि एकच मार्ग… इराणचा विजय आमच्यासाठी प्राणांपेक्षाही महत्त्वाचा आहे.”