गेल्या काही महिन्यांपासून सोने आणि चांदीच्या दरात मोठे चढउतार ( Gold Silver Rate Update ) पहायला मिळत आहे. सोने चांदीचे दर हे गगनाला भिडलेले आहे, त्यामुळे सोने-चांदीची खरेदी करावी की नाही असा प्रश्न सर्वसामान्यांना पडला आहे. सोन्याचा दर दीड लाखांच्या पार गेल्याने याचा थेट फटका सर्वसामान्य ग्राहकांना बसत आहे. अशातच आता सोन्याच्या दरात घसरण झाल्याची दिलासादायक बातमी समोर आली आहे. सोन्याचे दर सलग २-३ दिवसांपासून घसरताना दिसत आहेत.
मागच्या आठवड्यात सोन्याच्या ( Gold Silver Rate Update ) दरात वाढ झाली होती. त्यानंतर आता सोन्याचे दर २-३ दिवसांपासून सातत्याने घसरत असल्याने खरेदीदारांना थोडासा दिलासा मिळाला आहे. ऐन लग्नसराईत सोने खरेदी करताना ग्राहकांच्या खिशाला चांगलाच फटका बसत आहे. सोन्याचे दर अजून कमी होण्याची आशा सर्वसामान्यांना आहे.
सोन्याचे दर किती घसरले? ( Gold Rate )
जळगाव शहरातील सुवर्ण बाजारपेठेत बुधवारी ५१५ रुपयांची घट झाल्याने २४ कॅरेट सोन्याचे दर तीन टक्के जीएसटीसह प्रति १० ग्रॅम १,५७,०७५ रुपयांपर्यंत खाली आले होते. गुरुवारी सकाळी बाजारपेठ उघडल्यावर आणखी ११३३ रुपयांची घट नोंदवली गेली. त्यामुळे सोन्याचे दर जीएसटीसह प्रति १० ग्रॅम १,५५,९४२ रुपयांपर्यंत घसरले.
चांदीचे दर किती घसरले? ( Silver Rate )
जळगाव शहरातील सुवर्ण बाजारपेठेत बुधवारी २०६० रुपयांची घट झाल्याने चांदीचे दर तीन टक्के जीएसटीसह प्रति किलो २,५९,५६० रुपयांपर्यंत खाली आले होते. गुरुवारी सकाळी बाजारपेठ उघडल्यावर आणखी ४१२० रुपयांची घट नोंदवली गेली. त्यामुळे चांदीचे दर जीएसटीसह प्रति किलो २,५५,४४० रुपयांपर्यंत घसरले.
सोन्याचे दर जरी घसरत असले तरीही ते दीड लाखांपेक्षा जास्त आहेत. त्यामुळे हे सामान्य कुटुंबातील व्यक्तींना परवडणारे नाहीच. सोने आणि चांदीच्या दरात झालेली अलीकडची मोठी घसरण ( Gold Silver Rate Update ) ही केवळ एक साधी बाजारातील हालचाल नसून, तिच्यामागे अनेक जागतिक आणि स्थानिक आर्थिक घटक कार्यरत आहेत. ही घसरण भारतापुरती मर्यादित नसून जागतिक स्तरावरही त्याचा परिणाम दिसून येत आहे. विशेषतः कॉमेक्स या आंतरराष्ट्रीय बाजारात सोन्याचा भाव ०.६८ टक्क्यांनी घसरून ४,७२० डॉलर प्रति औंसवर पोहोचला, तर चांदीचा भाव २.४३ टक्क्यांनी कमी होऊन ७६ डॉलर प्रति औंसवर आला. यावरून स्पष्ट होते की, ही घसरण व्यापक आर्थिक परिस्थितीशी निगडित आहे आणि केवळ स्थानिक मागणी-पुरवठ्याचा परिणाम नाही.