एमएमआरडीए आणि ऑस्ट्रियामध्ये सामंजस्य करार; मुख्यमंत्र्यांनी दिले महाराष्ट्रात गुंतवणुकीचे निमंत्रण
मुंबई : मुंबई महानगर प्रदेशातील पायाभूत सुविधांचा चेहरामोहरा बदलण्यासाठी आता ऑस्ट्रियाचे तांत्रिक सहकार्य लाभणार आहे. मुंबई महानगर प्रदेश विकास प्राधिकरणाचे (एमएमआरडीए) आयुक्त डॉ. संजय मुखर्जी आणि ऑस्ट्रियाचे केंद्रीय मंत्री वोल्फगँग हॅटमनसडॉर्फर यांच्यात झालेल्या बैठकीत धोरणात्मक सहकार्यासाठीच्या आशयपत्राचे हस्तांतरण करण्यात आले. यावेळी राज्याचे मुख्यमंत्री देवेंद्र फडणवीस यांनीही आभासी माध्यमातून संवाद साधत ऑस्ट्रियन कंपन्यांना महाराष्ट्रात गुंतवणुकीचे निमंत्रण दिले.
मुंबई : "गोदा ते नर्मदा" या पुण्यश्लोक अहिल्यादेवी जलयात्रा २०२६ चा शुभारंभ त्र्यंबकेश्वर आणि चोंडी येथून कार्यक्रमाद्वारे केला जाईल, असे मुख्यमंत्री ...
मुंबई : रायगड जिल्ह्यातील श्रीवर्धन समुद्रकिनाऱ्याचा शाश्वत विकास साधत त्याला ‘ब्लू फ्लॅग बीच’ म्हणून विकसित करण्यात येणार असल्याची माहिती महिला व ...
स्वाक्षरी करण्यात आलेल्या आशयपत्रानुसार, प्रामुख्याने भूमिगत पायाभूत सुविधांमधील प्रगत तंत्रज्ञान आणि कौशल्य विकास, नागरी दळणवळण क्षेत्रातील नव्या तंत्रज्ञानाची देवाणघेवाण, गुंतवणूक आणि पर्यटनाला चालना देणाऱ्या प्रकल्पांमध्ये भागिदारी अशा बाबतीत दोन्ही बाजूंकडून सहकार्य केले जाणार आहे.
अटल सेतूची भुरळ
या भेटीदरम्यान ऑस्ट्रियन मंत्र्यांनी ‘अटल सेतू’ला भेट देऊन तिथल्या कामाच्या दर्जाची पाहणी केली. विशेष म्हणजे, या दौऱ्यात त्यांनी आपत्कालीन सेवांची कोणतीही पूर्वसूचना न देता अचानक तपासणी केली. या तपासणीत यंत्रणेची तत्परता पाहून मंत्र्यांनी समाधान व्यक्त केले. "मुंबईतील पायाभूत सुविधांची व्याप्ती जागतिक दर्जाची असून ती थक्क करणारी आहे," अशा शब्दांत हॅटमनसडॉर्फर यांनी कौतुक केले.
दावोस येथील जागतिक गुंतवणूक परिषदेत मिळालेल्या सकारात्मक प्रतिसादानंतर अनेक देश एमएमआरडीएसोबत काम करण्यास उत्सुक आहेत. टनेलिंग, मोबिलिटी आणि कौशल्य विकास या क्षेत्रांत ऑस्ट्रियासोबतचे सहकार्य मैलाचा दगड ठरेल. एमएमआरडीए आता आंतरराष्ट्रीय गुंतवणुकीसाठी एक सक्षम व्यासपीठ म्हणून ओळखले जात आहे, ही अभिमानाची बाब आहे. - डॉ. संजय मुखर्जी, महानगर आयुक्त, एमएमआरडीए.
